Huwebes, Nobyembre 17, 2022

Pahayag ng KPML sa International Students' Day

PAHAYAG NG KPML SA INTERNATIONAL STUDENTS' DAY
Nobyembre 17, 2022

KARAHASAN SA MGA ESTUDYANTE, TIGILAN!
HUSTISYA'T KARAPATAN SA MGA PAARALAN, IPAGLABAN!
PAGPUPUGAY SA MGA ESTUDYANTENG NAKIKIBAKA!
ALALAHANIN ANG MGA ESTUDYANTENG NAGBUWIS 
NG BUHAY NOONG PANAHON NG BATAS-MILITAR!

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa lahat ng mga estudyante at samahang gumugunita sa International Students' Day o Pandaigdigang Araw ng mga Mag-aaral!

Trahedya ang kasaysayan ng araw na ito. Ayon sa pananaliksik, ginugunita sa petsang ito ang anibersaryo ng pagkubkob ng mga Nazi noong 1939 ng Unibersidad ng Prague pagkatapos ng mga demonstrasyon laban sa pananakop ng Aleman sa Czechoslovakia at ang mga pagpatay kina Jan Opletal at manggagawang si Václav Sedláček. Kinulong ng mga Nazi ang mga estudyante, pinatay ang siyam na lider-estudyante at ipinadala ang mahigit 1,200 estudyante sa mga kampong piitan, pangunahin ang Sachsenhausen. Pagkatapos ay isinara nila ang lahat ng mga unibersidad at kolehiyo sa Czech. Sa panahong ito ay wala na ang Czechoslovakia, dahil nahahati na ito sa Protektorat ng Bohemia at Moravia at ang Republika ng Slovak sa ilalim ng isang pasistang papet na pamahalaan. Ang International Students’ Day ay pinangunahan ng International Students’ Council noong 1941 upang gunitain ang pagbitay sa siyam na estudyanteng Czechoslovakian na lumaban sa pananakop ng Nazi.

Sa ating bansa, idineklara ni Pangulong Rodrigo R. Duterte noong 2019 ang Nobyembre 17 ng bawat taon bilang National Students’ Day (Republic Act 11369) upang kilalanin ang kontribusyon ng aktibismo ng estudyante sa demokrasya ng Pilipinas.  Ayon sa nasabing batas, “the state recognizes the value of inculcating love of country and social responsibility among the youth and supports the observance of International Students’ Day.”

Gayundin naman, maraming estudyante rin sa ating bansa ang nagsakripisyo, namatay at nawala. Nariyan ang istorya nina Liliosa Hilao, Archimedes Trajano, Jessica Sales, Albert Enriquez, at marami pang iba, na nabiktima noong panahon ng batas militar. Karamihan ng kanilang kwento'y nakaukit sa Bantayog ng mga Bayani. Katarungan sa lahat ng estudyanteng nagbuwis ng buhay, tahimik man ang buhay nila noon o so;a'y nagsilahok sa pakikibaka para sa hustisyang panlipunan!

Sa mga estudyante sa kasalukuyan, gunitain natin ang International Students' Day upang alalahanin ang iba pang estudyante sa ibang parte ng mundo, palakasin natin ang determinasyon na protektahan ang mga karapatan ng ating mga estudyante at suportahan sila, at ang National Students' Day sa ating bansa.

Mga pinaghalawan:
https://en.wikipedia.org/wiki/International_Students%27_Day
https://nationaltoday.com/international-students-day/
https://www.pna.gov.ph/articles/1077731
https://depeddasma.edu.ph/dm-no-314-s-2022-2022-national-students-day-virtual-celebration/

Miyerkules, Nobyembre 16, 2022

Pahayag ng KPML sa inilunsad na Climate Strike

PAHAYAG NG KPML SA INILUNSAD NA CLIMATE STRIKE
Nobyembre 16, 2022

No more empty talks. We demand reparation for 
Climate Debt and Loss and Damage!
No Tomorrow Without Climate Justice Today!
Fossil-Fuel Free Before 2050! Climate Justice Now!

Iyan ang mga nakasulat sa plakard ng Kongreso ng Pagkakaisa ng Maralitang Lungsod (KPML) bilang pakikiisa sa inilunsad na Climate Strike ngayong araw, kung saan lumahok ang KPML sa Quezon City Memorial Circle, at iba pang lugar. 

Dapat umaksyon na ang mga pamahalaan, lalo na yaong mga mayayamang bansa, upang hindi na lumala pa ang pag-iinit ng ating mundo. Ayon sa siyensya, kung wala umanong agarang pagbabawas sa emisyon sa mga susunod na taon, hindi na maiiwasan pa ang lalong pag-iinit ng daigdig, at sa 2030 ay baka sapitin na ng mundo ang 'point of no return' o hindi na mare-reverse o mapipigilan pa ang paglala ng climate change. Kung walang aksyon ang mga mayayamang bansa na siyang may sala ng krisis pangklimang ito, patuloy na daranas ang mga bulnerableng bansa ng matitinding epekto ng malalakas na bagyo, agarang pagbaha, tagtuyot, pagkawasak ng kalikasan, at iba pa. 

Dapat mabago na ang kaugaliang pulos tubo ang nasa isip, magkamal ng malaking salapi sa pagmimina at pagkakalbo ng mga bundok at kagubatan. Idagdag pa ang matitinding pagkabaon sa utang ng mahihirap na bansa, na imbes na pautang na makakatulong sa bansa ay nakakawasak pa ng kapaligiran. Tax the rich, not the poor. Ipatupad ng wealth tax!

Ang nasabing pagkilos ay kasabay rin ng isinasagawang Conference of Parties (COP) 27 o ika-27 United Nations Climate Change Conference or Conference of the Parties of the UNFCCC na ginaganap sa Sharm El Sheikh, Egypt. Kasalukuyan ding nagaganap ang pulong ng mga bansang kasapi ng G20 sa Indonesia.

Ang nasabing Climate Strike, na tinatawag ding Asian Day of Action for Climate and Economic Justice ay inilunsad din sa kapwa natin mahihirap na bansa, tulad ng Indonesia, India, Pakistan, Thailand, Bangladesh at Nepal. Sa ating bansa, ito'y isinagawa rin sa Luzon, Visayas at Mindanao. Sa Luzon ay inilunsad din ang pagkilos sa Calamba, Laguna; Batangas City; Sual, Pangasinan; Candelaria, Zambales; Atimonan, Quezon; Luna, La Union. Sa Visayas ay sa: Cebu City, Mandaue City, Lapu-Lapu City; Talisay City; Naga City; Tacloban City; Bacolod City; Carlota, City; Kabankalan City; Escalante. At sa Mindanao ay sa: misamis Occidental; Ozamis; Tangub; Clarin; Cagayan de Oro; Davao City; Malita, Davao Occidental; Butuan; Koronadal; Zamboanga City.

Nais nating patuloy na umasa na may kahihinatnan ang mga pag-uusap na ito. Dahil pag-asa na lang ang natitira upang patuloy tayong makibaka at kumilos para sa ating kinabukasan at kamtin ang hinahangad na Climate at Economic Justice.

Kaya kami sa KPML ay mahigpit na lumalahok at nakikiisa sa lahat ng mga paraan at pagkilos upang masawata ang pag-iinit pang lalo ng ating daigdig. Nais nating mapigilan na hindi na umabot pa sa 1.5 degree Celsius ang pag-iinit pa ng mundo.

Mabuhay ang lahat ng mga lumahok sa Climate Strike dahil buhay at kinabukasan ng daigdig ang nakasalalay!

Martes, Nobyembre 15, 2022

Pahayag ng KPML sa tagumpay ng dalawang batang sina Bince, 9, at Aleia, 5

PAHAYAG NG KPML SA TAGUMPAY NG DALAWANG BATANG PINOY  SA PANDAIGDIGANG LARANGAN NG CHESS AT JIU-JITSU
Nobyembre 15, 2022

TAOSPUSONG PAGBATI KINA
BINCE RAFAEL OPERIANO, 9, CHESS GOLD MEDALIST SA THAILAND
AT ALEIA AGUILAR, 5, YOUNGEST WORLD YOUTH JIU-JITSU CHAMPION

Maalab na pagbati ang ipinaabot ng Kongreso ng Pagkakaisa ng Maralitang Lungsod (KPML) kina Bince Rafael Operiano, siyam na taong gulang, na nanalo ng gold medal sa Eastern Youth Asia Chess Championship sa Thailand, at Aleia Aguilar, limang taong gulang, na nagwagi sa 2022 Abu Dhabi World Youth Jiu-jitsu Championship.

Hindi na hinintay ng KPML na batiin sila sa Nobyembre 20 - World Children's Day, dahil ngayon pa lang ay ikinagagalak natin ang kanilang tagumpay sa kanilang sport na napili, at naging kinatawan ng Pilipinas sa ibang bansa.

Nakuha ni Bince Rafael Operiano, na Busac, Oas, Albay, ang gintong medalya sa Boys Under 9 category sa Eastern Asia Youth Chess Championship sa Bangkok, Thailand. Siya ang naging kinatawan ng bansa matapos niyang manalo sa National Youth and Schools Chess Championships Grand Finals Boys Under 9 Category, noong Setyembre 16 hanggang 23 na ginanap sa Dapitan City Cultural Sports Complex, Zamboanga Del Norte. Si Operiano ay tinaguriang susunod na Eugene Torre, ang Asia's First Grandmaster ng Pilipinas. Ayon sa National Chess Federation of the Philippines (NCFP), pagkakalooban si Operiano ng status bilang National Master (NM) pagsapit niya ng 10 taong gulang.

Nasungkit ni Aleia Aguilar ang ginto medalya sa kids 1-Under 16 kg sa 2022 Abu Dhabi World Jiu-Jitsu Championships nang matalo niya si Gabriela Vercosa ng Brazil sa huling laban noong weekend sa Jiu-jitsu Arena, Abu Dhabi, United Arab Emirates (UAE). Si Aleia ang bunsong anak nina Alvin Aguilar, na itinuturing na haligi sa mixed martial arts community sa bansa, at dating jiu-jitsu champion na si Maybelline Masuda.

Pinatutunayan ng kanilang pagkapanalo na kung may buong suporta ang kanilang magulang at sport officials ng bansa at dahil sa kanilang pagsisikap at determinasyong manalo sa kanilang sports ay nakamtan nila ang inaasam na kampyonato.

Kaya kami sa KPML ay nananawagan sa ating pamahalaan na bigyan ng buong suporta ang ating mga kabataan, lalo na sa larangan ng palakasan, paligsahan, at patalasan ng isipan upang sa maagang edad pa lamang ay kamtin nila ang tagumpay. Lalo na ang mga batang maralita na nangangarap ring makasali sa mga ganitong larangan.

Mabuhay kayo, Aleia at Bince! Taospusong pagbati!

Lunes, Nobyembre 14, 2022

Pahayag ng KPML sa International Street Vendors Day

PAHAYAG NG KPML SA UNANG DEKADA NG INTERNATIONAL STREET VENDORS DAY
Nobyembre 14, 2022

PAGPUPUGAY SA LAHAT NG NAGLALAKO SA LANSANGAN!
ANG MGA VENDOR AY NABUBUHAY NG MARANGAL!
KABUHAYAN AT KARAPATAN NG MGA VENDOR, IPAGLABAN!

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa pagdiriwang ng International Street Vendors Day o Pandaigdigang Araw ng mga Naglalako sa Lansangan.

Ang mga vendor ay namumuhay ng marangal. Gayunpaman, dahil sa minsan ay walang mapwestuhan dahil sa taas ng upa sa palengke, at kulang pa ang kanilang kita kaysa kapital, napipilitan silang ilako ang kanilang paninda at pumwesto sa mga mataong lugar, tulad ng bangketa. Sariling diskarte upang mapakain ang pamilya. Nakakatulong din sila sa ekonomya ng bansa. May pandaigdigang pagkilala sa kanila sa ibang bansa.

Sa ating bansa, hindi pa naisasabatas ang International Street Vendors Day tuwing Nobyembre 14. Subalit sa ibang bansa ay idineklara at inaalala na nila ang araw na ito. Ayon sa pananaliksik, ang International Street Vendor' Day ay sinimulan noong 2012 ng StreetNet International na sumusuporta sa pag-oorganisa sa mga street vendor sa buong mundo upang tugunan ang kanilang mga karaniwang pangangailangan. Napakahalaga nito dahil malaking porsyento ng mga naglalako sa kalye at palengke ay patuloy na nahaharap sa panliligalig at karahasan sa kanilang mga lugar ng pagtatrabaho araw-araw.

Kung ating matatandaan, dalawang dekada na ang nakararaan, nang manalasa ang Metro Manila Development Authority (MMDA) sa pamumuno noon ni Bayani Fernando, kung saan ang mga vendor ay hinahabol ng MMDA upang sunugin ang kanilang mga paninda. Dahil dito, noong Agosto 30, 2002 ay naorganisa ang grupo ng mga vendor na tinawag na Metro Manila Vendors Alliance (MMVA) upang ipaglaban ang kanilang mga karapatan bilang manininda at bilang tao. Nagdiwang sila ng kanilang ikalawang dekada ng pag-iral ngayong 2022.

Noong panahong iyon, nakapaglabas pa nga ng privilege speech ang dalawang kongresista noong panahong iyon - ang "Fuel for the Fire: Kerosene for a Filipino Holocaust" na talumpati ni Rep. Augusto "Boboy" Syjuco ng 2nd District, Iloilo, noong Agosto 21, 2002, at ang talumpati ni Sanlakas partylist representative JV Bautista, na pinamagatang "Maliliit na Manininda ng Kamaynilaan: Dapat bang Kamuhian o Dapat Tulungan?" noong Oktubre 8, 2003.

Pawang mahahalagang talumpati at dokumento na pagpapatunay na ang mga vendor ay tao rin na hindi dapat kamuhian, kundi bahagi sila ng ating lipunan at may mga karapatang dapat ding igalang.

Sa ngayon, makikita nating maraming maralita ang nabubuhay sa paglalako ng paninda sa kalsada. May mga nakasakay sa bisikletang may sidecar, o kaya'y kariton kung saan naroon ang kanilang mga paninda. Nariyang buhat ng magtataho ang dalawang lalagyan ng taho upang ilibot sa mga komunidad. May mga karitong tulak ng baka. May mga nagtitinda ng sorbetes. Pawang mga naglalako ng paninda nila upang mabuhay ng marangal. Pagpupugay sa kanila ang araw na ito.

Mabuhay ang lahat ng mga street vendor! Mabuhay ang lahat ng mga naglalako sa kalsada! Mabuhay ang Metro Manila Vendors Alliance (MMVA) at iba pang samahan ng mga vendor sa iba't ibang panig ng bansa.

Ngayong International Street Vendors Day, atin silang pagpugayan, dahil nabubuhay sila ng marangal at binubuhay nila ang kanilang pamilya sa pamamagitan ng sakripisyo, pag-iipon, at pagsisikap.

Mga pinaghalawan:
https://cambodia.oxfam.org/latest/press-release/press-release-9th-international-street-vendors-day-celebration
https://metromanilavendorsalliance.blogspot.com/
https://turnstiletours.com/happy-international-street-vendors-day/

Linggo, Nobyembre 13, 2022

Panawagan sa International Children's Day, November 20

Alalahanin ang mga batang biktima ng stray bullet
sa International Children's Day, November 20

DAHIL BA SINASABING COLLATERAL DAMAGE O NADAMAY 
LANG DAW ANG MGA BATANG NAPASLANG SA WAR ON DRUGS,
HINDI NA SILA DAPAT MABIGYAN NG KATARUNGAN?

Myca Ulpina, 3, Rodriguez, Rizal, June 29, 2019
Althea Barbon, 4, Negros oriental, Sept 1, 2016
Danica Mae Garcia, 5, Dagupan City, Aug 23, 2016
Francis Mañosca, 5, Pasay City, Dec 11, 2016
San Niño Batucan, 7, Consolacion, Cebu, Dec 3, 2016
at marami pang iba

Idagdag pa natin si Stephanie Mae Ella, 7,
na namatay naman sa ligaw na bala, Bagong Taon, 2013

Saanman tayo naroroon, halina't 
sabay-sabay tayong magtirik ng 
kandila para sa kanila, Nov 20, 6pm. 
HUSTISYA SA MGA 
BATANG NAPASLANG!

Pinaghalawan ng datos:
https://www.rappler.com/newsbreak/iq/179234-minors-college-students-victims-war-on-drugs-duterte/
https://www.reuters.com/article/us-philippines-rights-idUSKBN2401BZ
https://www.philstar.com/headlines/2020/06/30/2024625/least-122-children-killed-governments-drug-war-report

Abangan ang aming pahayag sa Nobyembre 20.

Biyernes, Nobyembre 11, 2022

KPML joins launching of Buhat Mo, Buhat Ko at CHR







KPML joins launching of Buhat Mo, Buhat Ko at CHR

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa paglulunsad ng Buhat Mo, Bukat Ko campaign ng Philippine Alliance of Human Rights Advocates (PAHRA) nitong Nobyembre 11, 2022 sa Liwasang Diokno sa Commission on Human Rights (CHR). Naganap ang programa sa ganap na alauna hanggang ikalima ng hapon.

Isa itong magandang pagkakataon upang magbayanihan tayo para sa karapatang pantao.

Kilala ang bayanihan sa ating kasaysayan sa sama-samang nagbubuhat noon ng ating mga kababayan ng bahay upang ilipat sa isang lugar. Subalit bihira na ngayon dahil sa mga kongkreto nang bahay at mabibigat na materyales na ang ginagamit. Gayunman, napakahalaga ng diwang ito ng bayanihan na hanggang ngayon ay nagagawa pa rin natin. 

Sa panahon ngayon, makikita natin ang bayanihan sa loob ng dyip at fx-taxi. Ang hindi magkakakilalang pasahero ay nag-aabutan ng bayad at sukli mula sa pasahero tungo sa tsuper at tsuper mula sa pasahero. May katapatan sa bayad-sukli dahil ibinabalik sa kapwa pasahero ang sukli ng hindi iyon ninanakaw o kinukuha ng iba. Bayanihan sa loob ng sasakyan.

Maraming nagsalita roon at tumugtog. Isa na sa mga naging tagapagsalita si Patreng Non ng kilalang Maginhawa community pantry na nagbigay ng inspirasyon sa marami.

Tumugtog din doon ang 4Gs, Kulay, Zone One, Musicians for Peace, Soulful Band at iba pa.

Napakaganda ng konsepto ng Buhat Mo, Buhat Ko. Nawa'y makasali pa rito ang mas marami pang organisasyon at indibidwal. Mabuhay kayo, mga kapatid at kasama!

Huwebes, Nobyembre 10, 2022

Pahayag ng KPML para sa lahat ng kumukuha ng Bar Examinations 2022

PAHAYAG NG KPML PARA SA MGA KUMUKUHA NG BAR EXAMINATIONS 2022
Nobyembre 10, 2022

SA MGA PAPASA SA BAR, UNAHIN ANG HUSTISYA!
PANGIBABAWIN ANG KARAPATANG PANTAO NG LAHAT!
IPAGTANGGOL ANG MGA API'T NAPAGSASAMANTALAHAN!
PAGLINGKURAN ANG MASA, HINDI ANG KAPITALISTA!

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa lahat ng mga kukuha ng pagsusulit sa abugasya ngayong 2022.

Ayon sa mga ulat, ang 2022 Bar Examinations ay magaganap sa Nobyembre 9, 13, 16, at 20, kaya maraming lugar ang hindi madadaanan dahil tiyak na magkakatrapik.

Gayunpaman, inaasahan namin na lahat ng makapapasa sa 2022 Bar Examinations ay magiging tapat sa kanilang napiling propsesyon at unahin ang kapakanan ng mahihirap kaysa taginting ng salapi ng mayayaman.

Maraming hinggil sa batas ang naging memorable sa atin, tulad ng sinabi noon ni Mayor Alfredo Lim ng Maynila: "The Law Applies to All, Otherwise None at All." [Ang Batas ay Nalalapat sa Lahat, Kung hindi'y Wala na Lahat - malayang salin ng KPML]

Napakarami nang naganap na hindi pa nakakamit ng mga biktima ang katarungan. Tulad na lang ng maraming napaslang nang walang due process dahil sa tokhang. Pati na mga batang namatay sa tokhang ay wala pang nakakamit na katarungan, tulad nina Myca Ulpina, 3; Althea Berbon, 4; Danica Mae Garcia, 5; at Stephanie Nicole Ella, 7, na namatay sa ligaw na bala noong Bagong Taon 2013. Nawa'y kamtin pa nila ang hustisya! Kung nagnanais tayo ng kapayapaan, tulad ng marami, ang kapayapaan ay dapat hindi kagaya ng katahimikan ng sementeryo, kundi kapayapaang may hustisyang panlipunan.

Nawa'y makapasa kayong lahat sa bar, mabuhay kayo! Congrats! Nadagdag na kayo sa napakarami nang abogado sa bansa. Subalit ang tanging pakiusap namin sa inyo, mas paglingkuran ninyo ang maliliit, ang mga api at napagsasamantalahan, kaysa mga malalaking kumpanyang bundat na ang mga tiyan.

Unahin ang katarungan at karapatang pantao, kaysa pagkita ng salapi. Ipagtanggol ang mga api't napagsasamantalahan! Kampihan ang masa, hindi ang mga kapitalista! Paglingkuran ang bayan!

Martes, Nobyembre 8, 2022

Pahayag ng KPML sa ikasiyam na anibersaryo ng bagyong Yolanda

PAHAYAG NG KPML SA IKASIYAM NA ANIBERSARYO NG BAGYONG YOLANDA
Nobyembre 8, 2022

CLIMATE JUSTICE NOW! CLIMATE EMERGENCY, IDEKLARA NA!
SA COP 27, HUWAG NANG PAABUTIN SA 1.5 DEGREE
ANG PAG-IINIT NG MUNDO!
WALANG KINABUKASAN KUNG WALANG HUSTISYA SA KLIMA NGAYON!

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa paggunita sa ikasiyam na anibersaryo ng pananalasa ng bagyong Yolanda na kumitil ng libo-libong katao.

Noong Nobyembre 8, 2013, ang Bagyong Yolanda (kilala rin bilang Typhoon Haiyan) ay nanalasa sa Tacloban at karatig lalawigan at ito na ang pinakanakamamatay na bagyo sa kasaysayan ng bansa. Mahigit anim na libong tao ang nasawi at mahigit 1 milyong tahanan ng mga tao ang nasira, at mahigit 600,000 katao ang nawalan ng tirahan. Nagdulot ito ng storm surge – isang pader ng tubig – na may taas na 25 talampakan sa ilang lugar, kabilang ang bayan ng Tacloban.

Isiniwalat ng naganap na Yolanda ang hindi magandang katangian ng hindi handang gobyerno na pamahalaan at bawasan ang mga pagkawasak na dulot ng pag-iinit ng mundo o global warming. Ibinunyag din nito ang lubos na kabiguan ng pamahalaan at ng mga ahensya nito na lubos na maunawaan ang implikasyon ng mga ganitong kalamidad sa mga tao at kapaligiran.

Ayon sa Philippine Movement for Climate Justice, alalahanin natin ang Nobyembre 8 na dinanas ng ating bansa ang mapangwasak na epekto ng bagyong Yolanda habang ang buong mundo'y nasaksihan ito. Tinangay ng bagyo ang mga tahanan, kabuhayan, at buhay ng ating mga kapatid. Ngunit ang hindi tinangay ng bagyo ay ang kakayahan nating makita sa pamamagitan ng hamon ang pagkakataong tumulong at suportahan ang mga nangangailangan at ang dignidad na tumayo at humingi ng pananagutan sa mga nag-ambag sa ganitong sukat ng pagkawasak.

Nananawagan tayo sa pamahalaan na magdeklara na ng climate emergency lalo na't tumitindi na ang mga epekto ng krisis sa klima.

Sa parating na COP 27 o ang 27th United Nations Climate Change Conference na gaganapin mula 6 Nobyembre hanggang 18 Nobyembre 2022 sa Sharm El Sheikh, Egypt, nananawagan tayo sa lahat ng bansa rito na huwag nang palalain pa ang klima, kundi ay magkaisa na upang hindi abutin ng daigdig ang 1.5 degree celsius na pag-iinit pang lalo ng daigdig, dahil pag nangyari ito, lulubog ang maraming isla, at baka sa 2030 ay magtungo na tayo sa "point of no return." Huwag nating hayaang mangyari ito!

Pinaghalawan:
https://give2asia.org/looking-back-typhoon-yolanda/
https://www.coolgeography.co.uk/gcsen/NH_Typhoon_Haiyan.php
http://www.europe-solidaire.org/spip.php?article30501
https://www.facebook.com/ClimateJusticePH/

Lunes, Nobyembre 7, 2022

Pahayag ng KPML

PAHAYAG NG KPML
Nobyembre 7, 2022

Ang KPML ay isang pambansang kompederasyon ng mga maralitang lungsod na ang layunin ay mabigyang solusyon ang problema sa katiyakan sa paninirahan. Sa katunayan, isa ang KPML sa nagtulak upang maitayo ang Presidential Commission for the Urban Poor (PCUP), hanggang nilagdaan ni dating Pangulong Cory Aquino ang Executive Order 82 na lumikha nito noong Disyembre 8, 1986, upang magkaroon ng balanseng pamantayan sa pagkakaroon ng sariling lupa ang mga maralita, at/o proseso ng demolisyon, nang ang unang pangulo pa ng KPML ay Eduardo "Tatay Eddie" Guazon.

Isa sa mga nagtayo at ngayon ay matagal nang kasapi ng KPML ang Samahan ng Mamamayan - Zone One Tondo Organization (SM-ZOTO) na isang pederasyon ng mga maralita na nagsimula sa National Capital Region (NCR), lumawak, hanggang sa magkaroon ng mga tsapter sa lalawigan ng Bulacan, Pampanga, at Cavite. Nitong mga nakaraang buwan ay may sumulpot na balita na ang ZOTO ay sumuko na raw sa pamahalaan bilang mga kasapi diumano ng CPP-NPA. Kung may sumuko mang ZOTO, hindi ito ang kasaping SM-ZOTO ng aming samahan. Dahil ang KPML at SM-ZOTO ay hindi mga front na organisasyon ng CPP-NPA.

Ang SM-ZOTO ay itinayo ng mga maralita sa gitna ng kawalan ng maayos na paninirahan para sa mga maralita, noong 1970. Gayundin ang KPML, na naitayo noong 1986. Dahil sa kanilang sama-samang pagkilos para sa karapatan sa paninirahan at pangarap na pagbabago tungo sa lipunang makatao, may ginhawa at kaunlaran, ay itinatag nila ang mga nasabing samahan. Kaya hindi CPP-NPA ang nasa likod ng pagtatayo ng mga ito.

Karapatan ng mamamayan na magtayo ng samahan. Ginagawa ng KPML ang mga natutuhan sa karapatang pantao, na ginagarantiyahan ng mga isinasaad sa Universal Declaration of Human Rights, International Covenant on Civil and Political Rights (ICCPR), International Covenant on Economic, Social and Cultural Rights (ICESCR) na nakatutok sa limang isyu ng Housing, Food, Health, Jobs at Education, at sa Bill of Rights ng Konstitusyong 1987, na nagsasabing karapatan natin ang mag-organisa, magbuo ng mga samahan para sa kagalingan ng mamamayan, malayang magtipon upang ipahayag ang mga hinaing at saloobin ng mamamayan, sama-samang pagkilos upang makamit ang inaasam na layunin at asam na hustista, at marami pang karapatan.

Sumasama ang KPML sa mga rali o kilos-protesta, dahil karapatan ng mamamayan ang kumilos at magprotesta, at hindi maging tuod sa nararanasang kahirapan. Lalo na sa maraming isyu tulad ng pagtaas ng presyo ng mga bilihin, tulad ng pamasahe, tubig, kuryente, at gas, na nagpapahrap sa hirap nang maralita, pagyurak sa karapatang pantao at dignidad, kawalan ng hustisyang panlipunan, na maraming isyu ang dapat pang ipaglaban upang agarang umaksyon ang pamahalaan.

Muli, ipinapahayag namin na ang KPML at SM-ZOTO ay hindi front ng anumang armadong rebeldeng grupo, tulad ng CPP-NPA, kundi kumikilos kami para sa aming karapatan sa paninirahan.

Miyerkules, Nobyembre 2, 2022

Pahayag ng KPML sa International Day to End Impunity for Crimes against Journalists

PAHAYAG NG KPML SA INTERNATIONAL DAY TO END IMPUNITY FOR CRIMES AGAINST JOURNALISTS
Nobyembre 2, 2022

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa paggunita sa International Day to End Impunity for Crimes against Journalists tuwing Nobyembre 2.

Sa ating bansa, naging laman ng pahayagan ang pagpaslang sa 58 sibilyan, kasama ang 32 mamamahayag, sa tinaguriang Maguindanao massacre, na naganap noong Nobyembre 23, 2009. Unang idineklara ng UN na Nobyembre 23 ang nasabing paggunita, subalit nagbago at ginawang Nobyembre 2. Ang petsa ay pinili bilang paggunita sa pagpaslang sa dalawang French na mamamahayag sa Mali noong 2 Nobyembre 2013.

Sa pagitan ng 2006 at 2020, mahigit 1,200 mamamahayag ang napatay sa buong mundo, na may halos 9 sa 10 kaso ng mga pagpatay na ito na nananatiling hudisyal na hindi naresolba, ayon sa UNESCO observatory of killed journalists. Ang kawalan ng parusa ay humahantong sa mas maraming pagpatay at kadalasang sintomas ng lumalalang tunggalian at pagkasira ng batas at mga sistemang panghukuman. Nababahala ang UNESCO na ang impunity ay nakakapinsala sa buong lipunan sa pamamagitan ng pagtakpan ng mga seryosong pang-aabuso sa karapatang pantao, katiwalian, at krimen. Ang mga pamahalaan, lipunang sibil, media, at lahat ng may kinalaman sa pagtataguyod ng panuntunan ng batas ay hinihiling na makiisa sa pandaigdigang pagsisikap na wakasan ang impunity.

Bilang pagkilala sa malalawak na kahihinatnan ng kawalan ng parusa, lalo na ng mga krimen laban sa mga mamamahayag, na pinagtibay ng United Nations General Assembly ang Resolution A/RES/68/163 sa ika-68 na sesyon nito noong 2013 na nagpahayag noong Nobyembre 2 bilang 'International Day to End Impunity for Crimes against Journalists' (IDEI).

Nitong nakaraan lang ay napaslang si Percy Lapid. Noong Oktubre 3, 2022, si Percy Lapid, isang radio journalist at radio broadcaster, ay binaril habang pauwi sa Las Piñas. Kilala si Lapid bilang kritiko laban sa mga panganib ng red-tagging, kung saan layunin nitong patahimikin ang mga mamamahayag at iba pang mga sumasalungat sa pamamagitan ng pag-akusa sa kanila bilang mga komunista. 

Si Percival Carag Mabasa (Marso 14, 1959 – Oktubre 3, 2022), na kilala bilang Percy Lapid, ay isang Pilipinong mamamahayag at tagapagbalita sa radyo. Siya ay kritiko ni Pangulong Bongbong Marcos at ng pinalitan nitong si Rodrigo Duterte. Nag-host siya ng programa sa radyo na Lapid Fire sa DWBL, kung saan hinarap niya ang mga kaso ng katiwalian] Ibinunyag niya ang mga iregularidad hinggil sa inalis na Sugar Order No. 4 ng Sugar Regulatory Administration sa gitna ng krisis sa asukal. Ang iskandalo na kinaharap ng administrasyong Marcos ay humantong sa pagbibitiw ni executive secretary Vic Rodriguez noong Setyembre 2022.

Sa ating paggunita sa International Day to End Impunity for Crimes against Journalists, ay ating alalahanin ang mga mamamahayag na naging kakampi ng masa at kasangga ng mamamayan sa pagbabalita ng mga nangyayari sa lipunan, at magbulgar ng katiwalian. Pasasalamat sa kanila ang tangi nating maiaalay. Dahil dito’y ating isigaw:

ITIGIL ANG MGA PAMAMASLANG! 
PROTEKTAHAN ANG MGA MAMAMAYAG AT ANG KATOTOHANAN!
KATARUNGAN SA MGA MAMAMAHAYAG NA PINASLANG!

Pinaghalawan:
https://www.unesco.org/en/days/end-impunity
https://www.un.org/en/observances/end-impunity-crimes-against-journalists
https://en.wikipedia.org/wiki/Maguindanao_massacre
https://en.wikipedia.org/wiki/Killing_of_Percy_Lapid

Sabado, Oktubre 29, 2022

Pahayag ng KPML sa National Correctional Consciousness Week

PAHAYAG NG KPML SA NATIONAL CORRECTIONAL CONSCIOUSNESS WEEK
Oktubre 28, 2022

RESTORATIVE JUSTICE, PAIRALIN PARA SA LAHAT!
KARAPATANG PANTAO NG MGA PDL, RESPETUHIN!
PALAYAIN LAHAT NG BILANGGONG PULITIKAL!

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa pag-alala sa ika-28 National Correctional Consciousness Week tuwing huling linggo ng Oktubre.

Ang nasabing pagdiriwang ay batay sa Proclamation No. 551, series of 1995, ni dating Pangulong Fidel Ramos ay idineklara ang last week ng Oktubre bilang National Correctional Consciousness Week. Pinirmahan ito ni Ramos noong Marso 15, 1995. Kasama sa bilang ang 1995 [2022 - 1995] + 1 =  27 +1 = 28 taon, dahil sa taon na iyon ang unang pagdiriwang ng nasabing week. (Hindi 2022 - 1995 = 27 taon.)

Ayon sa pananaliksik, na noong Hunyo 30, 2022, umabot sa humigit-kumulang 131.2 libo ang kabuuang bilang ng mga detenido at nasentensiyahang indibidwal sa mga bilangguan sa buong Pilipinas. Karamihan sa mga bilanggo na ito ay matatagpuan sa mga kulungan sa National Capital Region (NCR). Sa panahong ito, mayroong 470 kulungan sa bansa.

Dati, mas tinatawag na prisoner o criminal o convict ang nasa bilangguan. Kaya pag sinabing ex-convict ang isang nasa laya na ay may batik na ang kanilang katauhan. Kaya hindi basta matanggap sa trabaho, o sa lipunan. Ngayon, sila na'y tiunatawag na PDL o Persons Deprived of Liberty.

Mas pinaiiral sa matagal na panahon ang punitive justice. "Punitive justice believes that punishment can change behavior, that criminals will accept responsibility through punishment, and that the infliction of pain will deter criminal behavior." [Naniniwala ang punitive justice na ang pagpaparusa ay maaaring magpabago ng gawi, na ang mga kriminal ay tatanggap ng pananagutan sa pamamagitan ng parusa, at ang pagdudulot ng sakit ang hahadlang sa pagkaasal-kriminal. - malayang salin ng KPML]

Ngayon, nais nating ikampanya at umiral ay restorative justice. "Restorative Justice is a process through which remorseful offenders accept responsibility for their misconduct, particularly to their victims and to the community. It creates obligation to make things right through proactive involvement of victims, ownership of the offender of the crime and the community in search for solutions which promote repair, reconciliation and reassurance." [Ang Restorative Justice ay isang proseso kung saan ang mga nagkasala nagsisisi na ay tumatanggap ng responsibilidad para sa kanilang maling ginawa, partikular sa kanilang mga biktima at sa komunidad. Lumilikha ito ng obligasyon na gawing tama ang mga bagay-bagay sa pamamagitan ng aktibong pakikilahok ng mga biktima, nagkasala ng krimen at ng komunidad sa paghahanap ng mga solusyon na nagtataguyod ng pagsasaayos, pagkakasundo, nang may katiyakan. - malayang salin ng KPML]

Kumbaga, pagpapahilom ng sariwang sugat, o magin ng sugat na balantukan, na pilat na lang ngunit masakit pa rin ang laman. Ibig sabihin, pinaaalam ng restorative justice sa nagkasala ang tungkol sa epekto ng krimen sa biktima at sa kanyang pamilya, at direktang pananagutan ng nagkasala. Gayundin, nagbibigay ito ng pagkakataon para sa biktima at sa nagkasala na gumawa ng isang planong katanggap-tanggap sa isa't isa na tumutugon sa pinsalang dulot ng krimen. Kasama rito ang tinatawag na peacemaking encounter. "Peacemaking Encounter is a community-based gathering that brings the victim, the victimized community, and the offender together. It supports the healing process of the victims by providing a safe and controlled setting for them to meet and speak with the offender on a confidential and strictly voluntary basis." [Ang Peacemaking Encounter ay isang pagtitipon sa pamayanan na pinagsasama ang biktima, ang biktimang komunidad, at ang nagkasala. Sinusuportahan nito ang proseso ng pagpapagaling ng mga biktima sa pamamagitan ng pagbibigay ng ligtas at kontroladong lugar para makipagkita at makipag-usap sa nagkasala sa isang kumpidensyal at mahigpit na boluntaryong batayan. - malayang salin ng KPML]

Bilang pag-alala sa National Correctional Consciousness Week, kami sa KPML ay nananawagan na ating unawain at mas pairalin ang restorative justice sa mga kulungan. Ibig sabihin, kilalanin ang mga PDL bilang tao, bilang mamamayang may dignidad, na magkakaroon pa rin ng pagbabago sa kanilang ugali at pagkatao. Ang mga PDL ay tao rin.

Nananawagan din kaming palayain na ang lahat ng bilanggong pulitikal, dahil sila'y nakibaka batay sa kanilang prinsipyo't pulitikal na paniniwala. Free all political prisoners, now!

Pinaghalawan:
https://www.officialgazette.gov.ph/1995/03/15/proclamation-no-551-s-1995/
https://probation.gov.ph/restorative-justice/
https://www.statista.com/statistics/1279621/philippines-prison-population-by-region/
https://web.facebook.com/philippinehumanrights.org/

Pahayag ng KPML sa ika-29 anibersaryo ng Sanlakas

PAHAYAG NG KPML SA IKA-29 ANIBERSARYO NG SANLAKAS
Oktubre 29, 2022

TAASKAMAONG PAGPUPUGAY SA SANLAKAS!
TAOSPUSONG PASASALAMAT! TULOY ANG LABAN!
TUNGO SA PANGARAP NA LIPUNANG PATAS!
TUNGO SA MAGINHAWA'T MALAYANG BUKAS!

Taaskamaong nagpupugay ang Kongreso ng Pagkakaisa ng Maralitang Lungsod (KPML) sa ikadalawampu't siyam na anibersaryo ng SANLAKAS. Mabuhay kayo, mga kasama!

Dalawampu't siyam na taon. Hindi biro ang pinagdaanan ninyo, ng ating organisasyon. Marami kayong natulungang maralita at marami kayong tagumpay na nakamit. Isa na riyan ang tagumpay ng pakikibaka ng mga maralita ng Sitio Mendez, na nang idemolis ay nagtungo at nagpiket sa Quezon City Hall. Matapos ang halos isang buwan ay nakamit nila ang kanilang kahilingang bumalik sa kanilang tahanan at isinagawa ang Martsa ng Tagumpay. Kamakailan lang ay ipinagdiwang nila ang kanilang ika-25 anibersaryo.

Nitong Agosto naman ay ika-20 anibersaryo ng Metro Manila Vendors Alliance (MMVA) na kasama ang Sanlakas sa nagtayo sa kasagsagan ng pakikibaka ng mga vendor laban sa pamumuno noon ni Bayani Fernando sa MMDA. Kasama rin ang Sanlakas sa pagkakabuo ng Philippine Movement for Climate Justice (PMCJ), at aktibong kasapi ng Freedom from Debt Coalition (FDC) sa matagal na panahon.

Nakapagpaupo ng tatlong kongresista ang Sanlakas partylist mula pa noong 1998, sa katauhan nina Ka Rene Magtubo, Ka Mario Cruz, at Attorney JV Bautista.

Kasama ang Sanlakas sa maraming pakikibaka, tulad ng Kilusang Roll Back, Tent City sa harap ng Kongreso, pakikibaka laban sa utang, pagbabago ng klima, pagtulong sa mga maralita laban sa demolisyon, kasama ng manggagawa laban sa salot na kontraktwalisasyon, pagpapalaya sa mga bilanggong pulitikal, pangangampanya ng murang kuryente at pagbaba ng presyo ng pangunahing bilihin, pagtaas ng sahod ng manggagawa, pagtuligsa sa extrajudicial killings, at marami pang isyu't laban ng sambayanan. Isang partido pulitikal na nakikibaka para sa karapatang pantao at hustisyang panlipunan. Napakaraming usaping ipinaglaban ng Sanlakas ang karapatan ng mga maliliit at aping sektor ng lipunan. Kasamang nangangarap ng isang lipunang walang pagsasamantala ng tao sa tao.

Sa ikadalawampu't siyam na anibersaryo ng Sanlakas, kami sa KPML ay taospusong bumabati, nagpapasalamat, at taaskamaong nagpupugay! Padayon! Sulong hanggang sa tagumpay!

Pinaghalawan:
https://sanlakasfamily.blogspot.com/2009/07/sanlakas-history-recorded-at-green-left.html
https://en.wikipedia.org/wiki/Sanlakas

Miyerkules, Oktubre 26, 2022

Pahayag ng KPML sa Global Media and Information Literacy week

PAHAYAG NG KPML SA GLOBAL MEDIA AND INFORMATION WEEK (OKTUBRE 24-31)
Oktubre 26, 2022

MAGBALITA NG WASTO AT KATOTOHANAN!
BAKAHIN ANG HALIBYONG O FAKE NEWS!
HISTORICAL DISTORTION AY LABANAN!
IPAGLABAN ANG KATOTOHANAN!

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa pag-alala sa Global Media and Information Literacy Week mula Oktubre 24 hanggang 31.

Sa panahong laganap ang halibyong o fake news, hindi lamang sa bansa kundi sa ibang panig ng daigdig, "idineklara noong 2021 ng UN General Assembly na gunitain ang Global Media and Information Literacy week, na binabanggit ang pangangailangan para sa pagpapakalat ng makatotohanan, napapanahon, napupuntirya, malinaw, naaabot, multilingguwal at nakabatay sa agham na impormasyon. Kinikilala ng resolusyon na ang malaking digital divide at hindi pagkakapantay-pantay ng mga datos na umiiral sa iba't ibang bansa at sa loob nito, ay maaaring matugunan sa bahagi sa pamamagitan ng pagpapabuti ng mga kakayahan ng mga tao na maghanap, tumanggap at magbigay ng impormasyon sa digital na larangan." [malayang salin ng KPML]

Ang Global Media and Information Literacy Week, taun-taon na ginugunita, ay isang malaking okasyon para sa mga stakeholder upang suriin at ipagdiwang ang pag-unlad na nakamit tungo sa "Media at Information Literacy para sa Lahat." Nito lang Oktubre 19, 2022 ay naglabas ng advisory ang DepEd Caloocan hinggil sa "Philippine Celebration of the Global Media and Information Literacy Week" na kumikilala sa linggong ito upang ang literacy sa ating bansa ay matugunan, at ang puntirya nila sa kanilang mga aktibidad ay mga estudyante, guro, at media professionals.

Gayunpaman, sa ating bansa, laganap ang halibyong o fake news na nagdudulot ng historical distortion at paggawa ng mali upang mapabango ang mabantot na kasaysayan ng martial law, kung saan naisadokumento na ang 11,103 na mga biktima ng martial law ay sinasabi pang isang golden age ang panahong ito, na hindi totoo, kundi golden age of terror na masasabi.

Hinggil naman sa isyu ng literacy, ayon sa Global Data, "Habang mas maraming tao ang nakakakuha ng mas mahusay na edukasyon, bumuti ang rate ng literacy ng Pilipinas. Sa pagitan ng 2010-2021, pinakamataas ang literacy rate sa taong 2021 at pinakamababa sa taong 2018. Umabot sa 99.27% ang literacy rate noong 2021. Sa pagitan ng 2010 hanggang 2021, tumaas ng 1.4% ang literacy rate ng Pilipinas. Sa isang taon-sa-taon na batayan, tumaas ng 0.03% ang rate ng literacy noong 2021." [malayang salin ng KPML] Mataas ang literacy rate ng bansa kaya dapat matanggap nila ay mga totoong impormasyon kung nais nating hindi malinlang ng mga fake news ang mamamayan.

Nararapat na matanggap ng ating mga estudyante at mamamayan ay mga totoong impormasyon mula sa loob agt labas ng bansa. Nararapat nating bantayan ang mga kasinungalingan at tugunan ito ng mga datos ng katotohanan, upang hindi maligaw ang henerasyon ngayon at mga susunod pang henerasyon, sa kung ano ang mga tunay na pangyayari sa bansa, na pilit binabaluktot upang paboran ang isang pamilya o partido. Kaya nararapat nating ipaglaban ang katotohanan, at isadokumento ang mga totoong pangyayari upang hindi malinlang ng mga halibyong ang ating mga kababayan!

Dapat ay mabasa ng mamamayan ay ang katotohanan, hindi mga halibyong o fake news. Dapat nating ipaglaban ang katotohanan! Hindi sapat ang makatotohanang pagbabalita, kundi ang dapat ay totoong pagbabalita! Isinisiwalat ang katotohanan, ng may katibayan at dokumento!

Kaya ngayong isang linggo ng Global Information and Literacy Week, mahigpit na nakikiisa ang KPML sa lahat ng umaalala sa konsepto nito at mga nagpapahayag ng katotohanan laban sa mga kabaluktutan na pinaiiral ng mga tusong maysalapi't makapangyarihan para sa pansarili lang nilang kapakinabangan!

Pinaghalawan:
https://www.unesco.org/en/weeks/media-information-literacy
https://www.un.org/en/observances/media-information-literacy-week
https://depedcaloocan.com/philippine-celebration-of-the-global-media-and-information-literacy-week/
https://www.globaldata.com/data-insights/macroeconomic/literacy-rate-in-the-philippines/

Martes, Oktubre 25, 2022

Ang KPML sa Kasaysayan ng PCUP


ANG KPML SA KASAYSAYAN NG PCUP

Background (History) of PCUP

The 1960s saw the influx of migrants from the countryside to the urban centers thinking that life is better in the cities. The host cities, however, were not prepared to provide immediate employment opportunities, decent housing and basic services to the migrants so they remain unemployed or underpaid and unable to support themselves. Worst, they end up poorer thereby magnifying   the growing urban poor statistics. The fear of ejection and violence haunted the poor as they struggled for their place in society. When their situation worsened during the 1980s, urban poor groups banded together in search of possible solutions to their problems as well as opportunities for consultation on matters that affect them.

“Two months after the February political revolt, on April 10, 1986 the Kongreso ng Pagkakaisa ng Maralitang Lungsod, or KPML, had a dialogue with President Corazon C. Aquino and demanded for a moratorium on demolition, and for the establishment of the Presidential Arm on Urban Poor Affairs (PAUPA), a government unit that would allow avenues for the poor for consultation and participation on things that concern them.

On May 30 to June 2, 1986, another alliance was formed, the National Congress of Urban Poor Organizations (NACUPO), composed of two major groups of varying ideological leanings. This new organization pursued the same issues raised during their April 10 march to Malacanang. They stated, however, that they wanted to change PAUPA to PCUP or Presidential Council on Urban Poor.

On December 8, 1986, President Aquino issued Executive Order No. 82 which created PCUP, mainly a coordinative and advocacy body mandated to serve as the direct link of the urban poor to the government in policy formulation and program implementation addressed to their needs”.

Indeed, the creation of PCUP is one of the noblest and greatest legacy of President Corazon C. Aquino and a manifestation of her love and respect for the rights and sentiments of the urban poor. It is only in the Philippines that the Office of the President has an agency directly looking after the concerns of the urban poor.  Being the coordinating and monitoring arm of the President, PCUP has a direct reportorial function to the Office of the President.

This mandate was reinforced on January 30, 1989 by Administrative Order No.111 directing concerned government departments, agencies and offices to coordinate with PCUP and actively participate in activities concerning the urban poor.

Significant gains were attained but the advent of urbanization lured more people to the metropolis and compounded the problem. On September 27, 2004, Former President Gloria Macapagal-Arroyo, issued Executive Order No.364, transforming the Department of Agrarian Reform (DAR) into the Department of Land Reform (DLR) which included the National Commission on Indigenous Peoples (NCIP) and the PCUP to take charge of ancestral domain reform and urban land reform, respectively. Executive Order No. 456 dated August 23, 2005 renamed the DLR as DAR.

Pahayag ng KPML sa International Lead Poisoning Prevention Week


PAHAYAG NG KPML SA INTERNATIONAL LEAD POISONING PREVENTION WEEK (OKTUBRE 23-29)
Oktubre 25, 2022

PANGALAGAAN ANG MAMAMAYAN, LALO NA ANG MGA BATA
LABAN SA LEAD POISONING MULA SA MGA PINTURA!
ITAGUYOD ANG LEAD-FREE PHILIPPINES!

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa EcoWaste Coalition at sa iba pang samahan sa pag-alala sa International Lead Poisoning Prevention Week mula Oktubre 23 hanggang 29 ngayong taon.

Ayon sa World Health Organization (WHO), ngayong 2022 ang ikasampung taon ng pag-alala sa Ang ikasampung International Lead Poisoning Prevention Week (ILPPW). Ang pokus ng kampanya ngayong taon na “Say No to lead poisoning” na nagpapaalala sa mga pamahalaan, civil society organizations, health partners, industriya at iba pa sa mga hindi katanggap-tanggap na panganib ng lead exposure at ang pangangailangang kumilos. Ang kampanya ay mula sa tagumpay sa pagbabawal sa paggamit ng tingga sa petrolyo at ang pagsulong na nagawa ng maraming bansa sa pagsasabatas ng paglilimita sa paggamit ng tingga sa pintura, lalo na yaong naglalantad sa mga bata sa mga tahanan, paaralan at palaruan.

Ayon pa sa WHO, ang lead o tingga ay lahok-lahok na elementong nakakaapekto sa katawan at partikular na nakakapinsala sa mga bata. Walang antas ng pagkakalantad sa lead ang walang nakakapinsalang epekto. Ito'y nakakalasong metal na ang malawakang paggamit ay nagdulot ng malawak na kontaminasyon sa kapaligiran at mga problema sa kalusugan sa maraming bahagi ng mundo. Nakakaapekto ito sa maraming sistema ng katawan, kabilang ang neurological, haematological, gastrointestinal, cardiovascular, immune at renal system. Ang mga bata ay hihina sa mga neurotoxic na epekto ng lead, at kahit na medyo mababa ang antas ng pagkakalantad ay maaaring magdulot ng seryoso at, sa ilang mga kaso, hindi maibabalik na pinsala sa neurological.

Ayon naman sa EcoWaste Coalition, "Ang taunang International Lead Poisoning Prevention Week (ILPPW) ay naglalayong bigyang pansin ang mga epekto sa kalusugan ng pagkakalantad ng lead, i-highlight ang mga pagsisikap ng mga bansa at kasosyo upang maiwasan ang pagkakalantad ng lead sa pagkabata, at pabilisin ang mga pagsisikap na ihinto ang paggamit ng lead sa pintura." [malayang salin ng KPML]

Ano ang mga epektong pangkalusugan ng lead poisoning? Ayon sa website ng Mayo Clinic, ang sintomas ng lead poisoning ay high blood pressure, joint and muscle pain, hirap makaalala at magkonsentra, sakit sa ulo, abdominal pain, mood disorders, bumababang sperm count at abnormal sperm, miscarriage, stillbirth or premature birth sa mga buntis.

Isa sa mga dapat gawin ay ang pag-phase out ng lead paint bilang prayoridad na aksyon para sa mga gobyernong kasama sa WHO, tulad ng Pilipinas. Dapat pangalagaan natin ang ating mga anak at apo sa pagkakalantad sa ganyang uri ng nakalalasong metal. Mahirap nang manalasa ang lead poisoning sa ating bansa. Ayon pa sa EcoWaste Coalition, "we call for heightened vigilance against lead-containing paints and the sustained promotion and strict enforcement of the award-winning DENR A.O. 2013-24, or the Chemical Control Order (CCO) for Lead and Lead Compounds, and push for a lead-free Philippines for all!"

Kaya kami sa KPML ay nakikiisa sa panawagan ng Ecowaste Coalition, WHO, at iba pang samahan, upang maiwasan ang lead poisoning sa ating mga komunidad.

Pinaghalawan:
https://www.facebook.com/EWCoalition/photos/a.10150317713135251/10166434770500251/
https://www.who.int/campaigns/international-lead-poisoning-prevention-week/2022
https://www.mayoclinic.org/diseases-conditions/lead-poisoning/symptoms-causes/syc-20354717

Lunes, Oktubre 24, 2022

Pagsusulat sa pahayagang Taliba ng Maralita

PAGSUSULAT SA PAHAYAGANG TALIBA NG MARALITA
Munting sanaysay ni Gregorio V. Bituin Jr.

Pag tinatanong ako ng mga kakilalang manunulat kung saang pahayagan ako nagsusulat, ang tanging nasasabi ko ay: "Nagsusulat ako sa Taliba ng Maralita, ang opisyal na publikasyon ng pambansang grupong Kongreso ng Pagkakaisa ng Maralitang Lungsod (KPML)."

Hindi ako nagsusulat sa iba pang publikasyon sa kasalukuyan kundi sa Taliba ng Maralita. Bagamat dati ay nagsusulat ako sa publikasyong Obrero ng Bukluran ng Manggagawang Pilipino (2003-2010), magasing Tambuli ng BMP (1998-1999), sa dalawang isyu ng magasing Maypagasa ng grupong Sanlakas (1997 at 1998), sa walong isyu ng magasing Ang Masa ng Partido Lakas ng Masa (2011-2012), isang isyu ng pahayagang Ang Sosyalista ng PLM (bandang 2006 o 2007), sa pitong isyu ng magasing Tambuli ng Dakilang Lahi, na inilathala ng Kamalaysayan (2006).   

May nakabasa raw ng tula kong ambag sa magasing Liwayway, ngunit hindi ko nakita. May ilang artikulong nalathala sa tabloid na Dyaryo Uno (wala na ngayon). Nakapaglathala ng ilang Letter to the Editor sa Inquirer. May nalathalang sanaysay sa ANI 41 ng Cultural Center of the Philippines (CCP). Nagsimula ako bilang staffwriter ng dalawang taon at features and literary editor ng publikasyong pangkampus na The Featinean (1993-1997), at nakapag-ambag sa iba pang publikasyon. Subalit ang Taliba ng Maralita talaga ang nagbigay ng pagkakataon sa akin na magtuloy-tuloy sa pagsusulat. 

Nang magsimula ako sa KPML bilang staff noong 2001 hanggang 2008 ay isa ang Taliba ng Maralita sa aking inasikaso. Lumalabas ito ng isang beses kada tatlong buwan o apat na beses sa isang taon sa sukat na 11" x 17" na spreadsheet. Walong pahina.

Nang ako'y maging sekretaryo heneral na ng KPML noong Setyembre 2018 hanggang sa kasalukuyan, muli kong binuhay ang Taliba ng Maralita, at hindi ko ito pinabayaan. Ngunit hindi na 11" x 17" ang sukat kundi tiniklop na short bond paper, kaya lumiit na ang sukat. Dalawampung (20) pahina na. Noong simulan ito ng Setyembre 2018, ginawa namin itong isang beses isang buwan, hanggang Pebrero 2019. Subalit sa dami ng mga pangyayari, balita, at naiisip kathaing kwento, ay ginawa na namin itong dalawang beses isang buwan. Kaya simula Marso 2019 hanggang sa kasalukuyan ay dalawang isyu na kada buwan ang aming inilalathala. 

Tanging ang isyu ng Hulyo 2019 ang naiiba, isyung pang-SONA, dahil itong isyu lang ang muling naglathala ng sukat na 11" x 17", dahil may nag-sponsor. Walong pahina. Matapos ang isang beses na may naglathalang labas sa KPML, bumalik kami sa sukat ng short bond paper na may 20 pahina.

Sa layout, sa unang pahina lagi ang headline o tampok na artikulo o pangyayari sa loob ng nakaraang dalawang linggo. Ang pahina 2 ay hinggil sa batas at karapatan. Ang pahina 3 ay editoryal, cartoons, at adres ng pahayagan. Ang pahina 4, na maaaring maging pahina 4-5, ay ang kolum ng pambansang pangulo ng KPML. Ang pahina 20 ay pawang tula. Habang may isa o dalawang pahina para sa panitikan. Habang ang mga natira pang pahina ay para sa pahayag ng KPML sa mga isyu, balita maralita, komiks na Mara at Lita, at iba pang sanaysay na dapat ilathala upang mabasa ng mga kasapi ng KPML.

Pinagbubutihan namin ang paggawa nito upang may mabasa ang kasapian ng KPML hinggil sa iba't ibang isyu, balita, at paninindigan ng mga maralita. Dahil nalalathala rito ang kasaysayan at paninindigan ng KPML sa samutsaring isyu ng bayan, pati na mga aktibidad na dinadaluhan ng KPML ay tinitiyak naming may pahinang nakalaan sa mga iyon.

Kaya kung may maghahanap ng kasaysayan at mga pahayag ng KPML mula Setyembre 2018 hanggang sa kasalukuyan ay may maipapakita tayo. Kaya sa mga nagtatanong sa akin na mga kakilala at kilalang manunulat kung saan ako nagsusulat, at saan nalalathala ang mga katha kong kwento at mga tula, aba'y ipinagmamalaki kong sabihing sa Taliba ng Maralita!

Maraming salamat sa lahat ng mga sumusuporta sa Taliba ng Maralita! Mabuhay ang mga kasamang bumubuo ng ating publikasyon! Mabuhay din ang lahat ng mambabasa ng Taliba ng Maralita!

Biyernes, Oktubre 21, 2022

Pahayag ng KPML sa World Iodine Deficiency Day

PAHAYAG NG KPML SA WORLD IODINE DEFICIENCY DAY
Oktubre 21, 2022

IWASAN ANG PAGKAKASAKIT NG THYROID AT GOITER!
KALUSUGAN NG MAMAMAYAN AY PANGALAGAAN! 
IODINE DEFICIENCY DISORDERS (IDD) AY IWASAN!
INDUSTRIYA NG ASIN SA PILIPINAS, PAUNLARIN!
MANGGAGAWA NG ASIN SA BANSA, SUPORTAHAN!

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa pag-alala sa World Iodine Deficiency Day. Ang Global Iodine Deficiency Disorders (IDD) Prevention Day o World Iodine Deficiency Day ay ipinagdiriwang taun-taon tuwing ika-21 ng Oktubre. 

Sa World Summit for Children noong 1990, nagtakda ang mga pinuno ng daigdig ng layunin na alisin ang mga kakulangan sa iodine sa taong 2000. Sa mga sumunod na taon, ang mga bansang gaya ng India at China ay naglunsad ng kani-kanilang National Day for the Prevention of Iodine Deficiency Disorders.

Ayon sa World Health organization (WHO), "Ang mga iodine-deficiency disorders (IDD), na maaaring magsimula bago ipanganak, ay nagsasapanganib sa kalusugan ng isip ng mga bata at kadalasan ang kanilang kaligtasan. Sa panahon ng neonatal, pagkabata at pagbibinata, ang mga IDD ay maaaring humantong sa hypothyroidism at hyperthyroidism. Ang malubhang kakulangan sa iodine sa panahon ng pagbubuntis ay maaaring magresulta sa panganganak ng patay, kusang pagpapalaglag at mga congenital na abnormalidad tulad ng cretinism - isang malubha at hindi maibabalik na anyo ng mental retardation na nakakaapekto sa mga taong naninirahan sa mga lugar na kulang sa iodine sa Africa at Asia. Ang mas malaking kahalagahan ay ang hindi gaanong nakikita, ngunit malaganap, ang kapansanan sa pag-iisip na nagpapababa ng kakayahan sa intelektwal sa tahanan, sa paaralan at sa trabaho." [malayang salin ng KPML]

Ang iodine ay isang mahalagang micronutrient na kinakailangan para sa normal na galaw ng thyroid, paglaki, at pag-unlad. Dahil ang kakulangan sa iodine ang pinakakaraniwang sanhi ng goiter sa Pilipinas, pinapayuhan ang mga tao na gumamit ng iodized salts sa kanilang pagkain at kumain ng mga pagkaing mayaman sa iodine tulad ng mga dairy products, seafood (shellfish at seaweeds), karne, tinapay at itlog.

Sa Pilipinas, naisabatas ang Republic Act 8172, o ang Act for Salt Iodization Nationwide (ASIN LAW), na batas na nagdaragdag ng iodine sa asin na inilaan para sa pagkain ng hayop at tao upang maalis ang micronutrient malnutrition sa bansa. Ang Batas ay inaprubahan noong Disyembre 20, 1995 ni dating Pangulong Fidel V. Ramos.

Subalit ngayon, nagkukulang ang mga asin sa bansa at kailangan pa nating umangkat ng asin, bagamat napapalibutan tayo ng dagat. Kaya bakit natin kailangang umangkat ng asin? Tutubo na naman ba rito ay mga kapitalista? Dapat suportahan ang produksyon ng asin sa bansa, at ang mga asin na magagawa ng ating mga manggagawa ay lagyan ng iodine kung kinakailangan. Suportahan din ang mga manggagawa ng asin na maging regular sa trabaho, hindi kontraktwal, at may maayos na pasahod.

Kailangan ng mga maralitang isang kahig, isang tuka, na maging malusog ang kanilang mga anak sa paglaki, upang hindi lumaki ang mga ito na payat at mahina, Kaya ang pangangailangan ng iodine ay isama sa lahat ng programa para sa mga bata, lalo na ang mga mahihirap.

Pinaghalawan:
https://doh.gov.ph/node/16406
https://www.who.int/data/nutrition/nlis/info/iodine-deficiency
https://nnc.gov.ph/regional-offices/mindanao/region-xi-davao-region/7066-asin-law

Miyerkules, Oktubre 19, 2022

Pahayag ng KPML sa Global Dignity Day

PAHAYAG NG KPML SA GLOBAL DIGNITY DAY
O PANDAIGDIGANG ARAW NG DIGNIDAD
Oktubre 19, 2022

DIGNIDAD NG ATING KAPWA AY PAHALAGAHAN!
DIGNITY OF LIFE AT DIGNITY OF LABOR, PAHALAGAHAN!
SALOT NA KONTRAKTWALISASYON, WAKASAN!
DUE PROCESS AY IGALANG! STOP THE KILLINGS!
HUSTISYA SA MGA INAPI'T PINAGSASAMANTALAHAN!
ITAYO ANG LIPUNANG MAY PAGGALANG SA DIGNIDAD!

Tuwing ikatlong Miyerkules ng Oktubre ay inaalala sa mahigit 80 bansa ang Global Dignity Day mula pa noong 2008. Ngayong 2022, ito'y pumapatak ng Oktubre 19. Ito'y isang pagdiriwang ng pagkakaisa sa paniniwalang ang bawat isa ay karapat-dapat na mamuhay ng marangal. 

Batay sa pananaliksik, "Ang Global Dignity Day ay isang inisyatiba upang turuan at bigyang-inspirasyon ang mga kabataan at tulungan silang maunawaan ang kanilang pagpapahalaga sa sarili at mga layunin. Sa Pandaigdigang Araw ng Dignidad, ang mga tagapagsalita ay pumupunta sa mga paaralan at sinasabi sa mga mag-aaral ang tungkol sa kanilang sariling buhay at mga karanasan nang may dignidad at lahat ng kailangan: paggalang sa sarili, ambisyon, pagsusumikap, isang pakiramdam ng tagumpay. Ang mga nagsasalita ay maaaring maging anumang nasyonalidad at anumang propesyon, mula sa mga tubero hanggang sa CEO hanggang sa mga sundalo hanggang sa mga manggagawa sa pabrika." [malayang salin ng KPML)

Ano nga ba ang dignidad? Tingnan natin ang nakasulat Sa Preambulo ng Universal Declaration of Human Rights (UDHR): "All human beings are born free and equal in dignity and rights. They are endowed with reason and conscience and should act towards one another in a spirit of brotherhood." [Lahat ng tao ay isinilang na malaya at may pagkakapantay sa dignidad at karapatan. Pinagkalooban sila ng katwiran at budhi at dapat makitungo sa kanilang kapwa sa diwa ng pagkakapatiran. - malayang salin ng KPML]  

Ang dignidad ng tao, samakatuwid, ay likas, positibo, at nagtataguyod ng isang pakiramdam ng kaganapan at kasiyahan, na nagpapatibay sa pagkatao. Halimbawa, noong panahon ng lipunang alipin, ang pagiging alipin ay kabaligtaran ng dignidad dahil ang mga tao ay hindi itinuturing na karapat-dapat, hindi itinuturing na kapwa tao, kundi isang bagay, na pag nais patayin ng panginoong may-alipin ang alipin ay nagagawa at pinapayagan noong panahong iyon.

Sa ating bansa, maraming pagpaslang ang naganap sa panahon ng War on Drugs kung saan ang due process ay hindi na iginalang, kaya maraming ina ang hanggang ngayon ay lumuluha at naghahanap ng hustisya para sa kanilang anak. Ayon sa ulat ng Rappler noong Setyembre 2020, nasa 7,884 drug suspects ang napatay ng pulisya mula nang maupo si Duterte sa pwesto hanggang Agosto 31, 2020. Ayon sa datos ng gobyerno, 6,229 katao ang napatay sa mga operasyon kontra droga ng pulisya mula Hulyo 1, 2016, hanggang Enero 31, 2022. Hindi kasama sa bilang na ito ang mga biktima ng vigilante-style killings, na tinatantya ng mga human rights group na nasa pagitan ng 27,000 at 30,000. Nasaan ang dignidad ng tao kung walang due process? Kung may pagkakasala, hulihin at panagutin, hindi dapat basta paslangin!

Sa usapin ng Dignity of Labor, napakaraming manggagawa sa Pilipinas ang kontraktwal, kung saan marami ang regular sa manpower agencies ngunit hindi sa prinsipal na employer. Pinaikutan ng mga kapitalista ang batas. Ayon kay Atty. Luke Espiritu, pangulo ng Bukluran ng Manggagawang Pilipino, ang mga manpower agencies ay mga linta o parasite na wala namang ambag sa produksyon subalit kumukubra ng malaki sa kapitalista. Kawawa ang mga manggagawa! Nasaan ang dignidad ng manggagawa kung patuloy na pinaiiral ang salot na kontraktwalisasyon? Dapat nang buwagin ang mga lintang manpower agencies!

Sa mga maralitang nais tanggalan ng tirahan dahil may nakabili na ng lupang kinatitirikan ng kanilang bahay, dapat magkaroon ng maayos na relokasyon o paglilipatan sa kanila, kung saan ang relokasyon ay may maayos at sapat na serbisyong panlipunan, tulad ng tubig at kuryente, at hindi sila basta itaboy na parang daga.

Para sa KPML, dapat lang umiral ang isang lipunang makatao na wala nang pagsasamantala ng tao sa tao, at iginagalang ang dignidad ng bawat tao!

Pahalagahan natin ang dignidad ng kapwa tao! 
Panagutin ang mga maysala sa mga pagpaslang!
Manpower agencies, buwagin! Kontraktwalisasyon, wakasan!
Paggalang sa karapatang pantao at pag-iral ng hustisyang panlipunan ay katumbas ng ating dignidad!

Pinaghalawan:
https://globaldignity.org/global-dignity-day/
https://www.daysoftheyear.com/days/global-dignity-day/
https://humanrightsmeasurement.org/extrajudicial-killings-in-the-philippines/
https://idpc.net/alerts/2022/04/philippines-lack-of-accountability-paves-way-for-more-killings-in-duterte-drug-war-amnesty-international
https://www.ilo.org/washington/dignity-at-work/lang--en/index.htm
https://en.wikipedia.org/wiki/Dignity_of_labour

Pahayag ng KPML sa International Day Against Breast Cancer

PAHAYAG NG KPML SA INTERNATIONAL DAY AGAINST BREAST CANCER
Oktubre 19, 2022

KALUSUGAN AY PANGALAGAAN 
UPANG KANSER SA SUSO AY MAIWASAN

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa pag-alala sa International Day Against Breast Cancer o Pandaigdigang Araw Laban sa Kanser sa Suso.

Inaalala ng World Health Organization ang Oktubre 19 bilang Pandaigdigang Araw Laban sa Kanser sa Suso na may layuning itaas ang kamalayan at isulong ang akses ng kababaihan sa napapanahon at epektibong mga kontrol, pagsusuri, at paggamot.

Ayon sa pananaliksik, noong 2020, may humigit-kumulang 27.2 thousand na bagong kaso ng breast cancer sa Pilipinas. Ang kanser sa suso ang may pinakamaraming bagong kaso ng kanser at ang sakit ay itinuturing na isa sa mga nangungunang sanhi ng pagkamatay sa Pilipinas. 26 na babae sa 100 babae at 1 lalaki sa bawat 105 lalaki ay maaaring masuri na may kanser sa suso sa Pilipinas.

Ang unang mapapansing sintomas ng kanser sa suso ay karaniwang bukol sa suso na masasalat na iba sa iba pang mga tisyu ng suso. Ang higit sa 80% ng mga kaso ng kanser sa suso ay natutuklasan kapag nasasalat ng babae ang isang bukol. Ang mga bukol na natagpuan sa mga kulani na matatagpuan sa kili kili ay maari ring indikasyon ng kanser sa suso. Ang mga indikasyon ng kanser bukod sa bukol ay maaaring kabilangan ng pagkapal na iba sa iba pang mga tisyu ng suso na ang isang suso ay nagiging mas malaki o mas mababa, pagbabago ng posisyon ng nipple o hugit nito o pagbaliktad nito, pagbibiloy ng balat, isang rash sa o palibot ng nipple, mga paglalabas ng pluido sa nipple, patuloy na sakit sa bahagi ng suso o kili kili at pamamaga sa ilalim ng kili kili o sa palibot ng buto ng kabikula.[11] Ang sakit("mastodynia") ay isang hindi maasahang kasangkapan sa pagtukoy ng presensiya o kawalan ng kanser sa suso ngunit maaari ring indikasyon ng iba pang isyu ng kalusugan sa suso.

Ang Pilipinas ang may pinakamataas na pagkalat ng breast cancer sa Asya, at ika-9 na pinakamataas sa mundo ngayon. Kahit na sa matagumpay na pagbabawas ng pagkamayabong at pagbabago ng pamumuhay ng mga kababaihang Pilipino, ang kakulangan o kawalan ng kaalaman sa kalusugan ng dibdib ay nag-ambag sa naitalang pinakamataas na paglaganap nito sa Asya. Ito ay dahil sa limitadong kita, mataas na gastos ng mga diagnostic test at pangangalaga sa ospital, mababang antas ng edukasyon, at kawalan ng kamalayan sa kanser sa suso.

Dito sa Pilipinas, may nabuong grupong KASUSO Philippine Foundation for Breast Care Inc. noong 2001, na isa sa pangunahing grupong nakatutok sa kanser sa suso. Sila'y may programa tulad ng Bantay Bukol, Bigay Buhay, Bukas Bintana, Buhay Bahay, Balik Breast Care Center, at iba pa. Malaki ang maitutulong ng ganitong organisasyon upang maiwasan ang maagang pagkamatay dulot ng kanser sa suso.

Ayon sa mga eksperto, "karamihang kanser sa suso ay unang mapapansin ng mismong pasyente. Dahil mas mataas ang bilang ng nalulunasan sa unang yugto nito, dapat na palaging may kamalayan ang mga kababaihan at may sariling pagsusuri sa kanilang mga suso bawat buwan. Makatutulong ang malusog na paraan ng pamumuhay na mapababa ang panganib ng kanser sa suso. Dapat may regular na ehersisyo. Kumain ng mas maraming sariwang gulay at prutas at iwasan ang mga pagkaing may mataas na taba. Huwag uminom ng alkohol o manigarilyo."

Ngayong Oktubre 19, alalahanin natin ang mga kababaihan at pasyenteng may kanser sa suso na patuloy na lumalaban sa sakit na ito at nais pang mabuhay ng matagal. Nawa'y makayanan nila ito't gumaling sila sa kanilang karamdaman.

Pinaghalawan:
https://masterhome.es/en/october-19-international-day-against-breast-cancer/
https://www.statista.com/statistics/1030740/new-cases-cancer-number-philippines-by-type/
https://tl.wikipedia.org/wiki/Kanser_sa_suso
https://www.kasuso.org/boobie-programs
https://www21.ha.org.hk/smartpatient/EM/MediaLibraries/EM/Diseases/Cancer/Breast%20Cancer/Cancer-Breast-Cancer-Tagalog.pdf?ext=.pdf
https://psa.gov.ph/sites/default/files/4.2.2%20Risk%20Factors%20of%20Breast%20Cancer%20among%20Women%20A%20Meta%20Analysis.pdf