Pahayag ng KPML sa Buwan ng Wika

PAHAYAG NG KPML SA BUWAN NG WIKA

Agosto 22, 2022

KILALANIN SI ASEDILLO, BUKOD KAY QUEZON, BILANG BAYANI NG WIKANG PAMBANSA

Mahigit na nakikiisa ang Kongreso ng Pagkakaisa ng Maralitang Lungsod (KPML) sa pagdiriwang ng Buwan ng Wika. Ang wikang Filipino ang siyang wika, di lamang sa pambansa, kundi ng karaniwang tao, ng manggagawa, ng maralita. Ang paggamit nito sa talastasan at sa mga pahayagan, tulad ng Taliba ng Maralita, na opisyal na publikasyon ng KPML, ay sanhi upang magkaunawaan at magkaisa tayo tungo sa ating pinapangarap na isang lipunang makatao at maunlad na kasama ang lahat.

Nitong nakaraang Agosto 19, na siyang kaarawan ng Ama ng Wikang Pambansa na si dating Pangulong Manuel Luis Quezon, ay ipinagdiwang din sa iba't ibang panig ng bansa, lalo na sa mga paaralan. Subalit bago pa maging tagapagtanggol at maging Ama ng Wikang Pambansa si Manuel L. Quezon, may isa nang kilalang guro sa kasaysayan ang unang nagtanggol sa sariling wika, at siya si Teodoro Asedillo. Ang kanyang buhay ay isinapelikula at ginampanan ng ating Pambansang Alagad ng Sining na si Fernando Poe Jr.

Ayon sa pananaliksik, labing-isang taon naglingkod bilang guro si Maestro Asedillo sa mababang paaralan ng Longos sa lalawigan ng Laguna, mula taong 1910 hanggang 1921. Bilang guro, itinuro niya ang lahat ng aralin sa maghapong pagpasok sa klase ng mga mag-aaral sa elementarya. Siya’y naangat bilang head teacher ngunit nagpatuloy siyang nagturo sa mga batang nasa ikatlo at ikaapat na baytang. Kilala siya sa kahusayan sa pagtuturo. Isang disiplinaryan, ayaw niya sa mga estudyanteng nagbubulakbol, di nagsisikap matuto, at nagsasayang lang ng oras.

Nang panahong iyong sakop ng Amerika ang bansa, ipinagbawal ang paggamit ng sariling wika sa pagtuturo, at yaong gumagamit nito'y pinarurusahan. Isa sa pinagtuunan ng pansin ng mga Amerikanong kolonisador ay ang Department of Public Instruction (DPI) sa kanilang kampanya ng pasipikasyon (pwersahang pagpayapa) at asimilasyon (sapilitang pagpapalunok sa atin ng sarili nilang kultura). Sa pamamagitan ng Philippine Commission Act No. 74 (Enero 1901), iniatas ni Gobernador-Heneral Elwell Otis ang mga sumusunod na polisiya: (1) sentralisadong sistema ng batayang edukasyon; (2) paggamit sa Ingles bilang wikang panturo at komunikasyon; at (3) pagtatatag ng isang kolehiyong normal para sa maramihang pagsasanay ng magiging mga guro.

Ang mga pangyayari at kalagayang ito ang nagtulak sa unang paghihimagsik ni Asedillo. Pinili niyang gamitin ang wikang Pilipino sa halip na wikang Ingles. Iminulat niya ang mga mag-aaral sa kagitingan at aral ng mga bayaning Pilipino, habang tinuruan din niya ang mga mag-aaral ng awiting makabayan. Hindi rin niya ginamit ang mga aklat na sinulat ng mga dayuhang awtor. Dahil dito, siya’y kinasuhan ng insubordinasyon o pagsuway sa kautusan ng kagawaran noong 1923. Ipinagtanggol niya ang sarili at ikinatwirang hindi dapat ipilit sa mga batang Pilipino ang kulturang banyaga sa kanilang karanasan at pang-unawa. Ngunit siya’y natalo at natanggal sa pagtuturo. Ang pamilyang Asedillo ay naghirap ng husto.

Anong saklap na pangyayari! Nang dahil sa pagtatanggol sa sariling wika na dapat gamitin sa pagtuturo, siya pa ang natanggal. Hanggang sa si Asedillo'y mawala sa pagkaguro at naghanap ng ibang trabaho, bilang sakada, bilang pulis, hanggang maging manghihimagsik. 

Sa ganitong punto, kami sa KPML ay nakikiisa sa panawagang dapat kilalaning bayani ng sariling wika si Teodoro Asedillo. Na sana'y may maipasang panukalang batas sa Kongreso at Senado, hanggang maging batas ang pagkilala kay Asedillo bilang tagapagtanggol at Bayani ng Wikang Pambansa.

Pinaghalawan ng datos:

Mula sa https://www.facebook.com/IRESManila/photos/a.498880233873326/519106188517397/?type=3

https://teodoroasedillo.blogspot.com/2016/04/si-teodoro-asedillo-bilang-bayani-ng.html?view=classic

Pagpupugay sa ika-25 anibersaryo ng Martsa ng Tagumpay ng mga Maralita ng Sitio Mendez

PAHAYAG NG KPML

Agosto 15, 2022

PAGPUPUGAY SA IKA-25 ANIBERSARYO NG MARTSA NG TAGUMPAY NG MGA MARALITA NG SITIO MENDEZ

Taas-kamaong nagpupugay ang Kongreso ng Pagkakaisa ng Maralitang Lungsod (KPML) sa ikadalawampu't limang anibersaryo ng tagumpay ng mga maralita ng Sitio Mendez sa Baesa, Lungsod ng Quezon.

Noong Hulyo 1997, madaling araw ay nademolis ang kabahayan ng may halos 500 pamilya ng maralita sa ASAMBA, (Alyansa ng mga Samahan sa Sitio Mendez, Baesa Homeowners Association). Ang lupain ay pag-aari ng mayamang angkang Araneta. Durog ang mga kabahayan ng maralita sa tinatayang 1.4 ektaryang lupain. Dahil doon, ang mga maralita ay nagmartsa patungo sa Quezon City Hall upang kondenahin ang marahas na demolisyon sa kanilang komunidad. Nagkampo sila ng halos isang buwan sa Quezon City Hall. Maraming tumulong sa laban ng maralita, tulad ng KPML sa pamumuno ni Ka Roger Borromeo, SANLAKAS sa pangunguna ni Tita Flor Santos, Bukluran ng Manggagawang Pilipino (BMP), Zone One Tondo Organization (ZOTO) sa pamumuno ni Ka Lydia Ela, ang artistang Konsehal Anthony Alonzo, at marami pang iba. 

Ang pagkilos na iyon ay tumanggap ng malawakang multi-sektoral at internasyonal na suporta, na nagresulta sa kanilang pagbabalik sa Sitio Mendez at ang pagsasakatuparan ng proyekto ng panlipunang pabahay ng lungsod. Sa pamumuno ni Mayor Ismael Mathay, at mga lider-maralita, ay napagkasunduang bilhin ng pamahalaang lungsod ang lupa para sa kanilang programang socialized housing.

Noong Agosto 15, 1997, matapos ang halos isang buwan, ay inilunsad ng mga maralita ng ASAMBA, sa pamumuno ni Ka Linda Sapiandante, ang halos anim-na-kilometrong makasaysayang "Martsa ng Tagumpay" bilang simbolikong pagbabalik sa kanilang lugar. Muling naitayo ang kanilang mga bahay at pamumuhay sa lugar. Tinulungan din sila ng internasyunal na grupong HABITAT for Humanity sa pagsasaayos ng kanilang mga bagong bahay. Ang pagkilos nila’y patunay na sa pagkakaisa at sama-samang pagkilos ay matatamo ang tagumpay. 

Sa ngayon ay makikita ang KPML street, Sanlakas street, BMP street, at iba pa, sa loob ng komunidad ng ASAMBA. Ang naganap na pagpapaunlad sa lugar ay halimbawa ng on-site, in-city resettlement. Ang aral nito’y aming ginugunita at binibigay na halimbawa sa ibang maralitang walang katiyakan sa paninirahan at may bantang demolisyon.

Pahayag ng KPML sa Kauna-unahang International Day for Countering Hate Speech

PAHAYAG NG KPML SA KAUNA-UNAHANG INTERNATIONAL DAY FOR COUNTERING HATE SPEECH

Hunyo 18, 2022

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa pag-alala sa International Day for Countering Hate Speech o Pandaigdigang Araw upang Salungatin ang Mapoot na Pananalita na sa kauna-unahang pagkakataon ay isinasagawa ngayong Hunyo 18 at sa mga susunod pang Hunyo 18.

Noong Hulyo 2021, binigyang-diin ng United Nations General Assembly ang mga pandaigdigang alalahanin sa “tuloy-tuloy na pagkalat at paglaganap ng mga hate speech” sa buong mundo at pinagtibay ang isang resolusyon sa “pagsusulong ng inter-religious at intercultural na dialogue at tolerance sa pagkontra sa hate speech”. Kinikilala ng resolusyon A/RES/75/309 ang pangangailangang kontrahin ang diskriminasyon, xenophobia at mapoot na pananalita at nananawagan sa lahat, kabilang ang mga Estado, na dagdagan ang kanilang mga pagsisikap na tugunan ang hindi pangkaraniwang bagay na ito, alinsunod sa internasyonal na batas sa karapatang pantao. Inihayag ng resolusyon ang Hunyo 18 bilang International Day for Countering Hate Speech, na itinakda sa unang pagkakataon ngayong 2022.

Sa ating bansa, ginagarantiyahan ng Saligang Batas ang kalayaan sa pagsasalita at pagpapahayag. Tinukoy ng Artikulo III Seksyon 4 na walang batas na dapat ipasa na sumasagka sa kalayaan sa pagsasalita o pagpapahayag. Kahit na ang ilang mga tao ay mali ang kahulugan nito na nangangahulugan na maaari nilang sabihin ang anumang gusto nila sa ibang tao, kasama na sa social media, kahit na nagdudulot ito ng pagkabalisa at pinsala sa ibang tao. Wala pang batas sa bans ana nagpaparusa sa mapoot na salita, bagama't mayroon itong mga batas sa libelo at paninirang-puri. Noong 18th Congress, isang panukalang batas ang inihain Mababang Kapulungan na naglalayong tukuyin, ipagbawal at parusahan ang mapoot na salita sa bansa. Inihain ito ng mga kinatawan ng Muslim sa kongreso bilang isang resulta ng mga marahas na insidente na naganap sa Christ-church at El Paso na pumatay ng mga indibidwal dahil sa racist at anti-immigration sentiments.

Sa ganitong mga punto, nakikiisa ang KPML sa panawagang itigil na ang mga hate speech at gawan ng batas na magpaparusa sa mga gagawa nito upang mabawasan na ang mga ganitong pananakit sa salita. Sana’y pakikipagkapwa at pagpapakatao ang laging nangingibabaw.

Pinaghalawan:

https://www.un.org/en/observances/countering-hate-speech

https://fma.ph/2022/06/29/understanding-hate-and-hate-speech-the-philippine-context/

Pahayag ng KPML sa International Day of Family Remittances

PAHAYAG NG KPML SA INTERNATIONAL DAY OF FAMILY REMITTANCES

Hunyo 16, 2022

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa pag-alala sa International Day of Family Remittances tuwing Hunyo 16 taun-taon. Sinasabing binubuhay ng remittances mula sa mga OFW (overseas Filipino workers) ang ekonomya ng bansa, kaya binansagang makabagong bayani ang mga OFW, kahit sila'y nagpapaalipin sa ibang bansa para lang magkaroon ng ginhawa ang kanilang pamilya sa Pilipinas.

Ang International Day of Family Remittances (IDFR) ay pinagtibay ng United Nations General Assembly at inaalala tuwing ika-16 ng Hunyo. Kinikilala ng IDFR ang higit sa 200 milyong migranteng manggagawa, kababaihan at kalalakihan, na nagpapadala ng pera pauwi sa mahigit 800 milyong miyembro ng pamilya. Higit na itinatampok ng araw na ito ang mahusay na katatagan ng mga migranteng manggagawa sa harap ng mga kawalan ng katiyakan sa ekonomiya, mga kalamidad na nauugnay sa kalikasan at klima at isang pandaigdigang pandemya. Ang IDFR ay kinikilala na ngayon sa buong mundo at isa itong pangunahing inisyatiba sa Global Compact para sa Ligtas, Maayos at Regular na Migration (Layunin 20), na humihimok ng pagbawas sa mga gastos sa paglilipat at higit na pagsasama sa pananalapi sa pamamagitan ng mga remittance.

Ayon sa Philippine Statistics Authority (PSA), tinatayang nasa 1.77 milyon ang bilang ng mga Overseas Filipino Workers (OFWs) o manggagawang Pilipino na nagtrabaho sa ibang bansa noong Abril hanggang Setyembre 2020. Ang mga Overseas Contract Workers (OCWs) o may mga kasalukuyang kontrata sa trabaho ay binubuo ng 96.4 porsyento o katumbas ng 1.71 milyon ng kabuuang OFW sa parehong panahon. Ang ibang OFW na nagtrabaho sa ibang bansa nang walang working visa o work permit tulad ng turista, bisita, estudyante, medikal, at iba pang uri ng non-immigrant visa ngunit kasalukuyang nagtatrabaho at nagtatrabaho ng full time sa ibang bansa ay may 3.6 porsiyentong bahagi.

Mahalaga ang ipinadadalang pera mula sa ibang bansa o remittance para sa pamilyang Pilipino. Para sa KPML, ang mga manggagawang Pinoy sa ibang bansa ay nagsasakripisyo, di lang para sa pamilya, kundi buhayin ang ekonomya ng ating bansa. Nagpapaalipin sa hindi nila kalahi kapalit ng dolyar o dinar. Pinatutunayan nila, na hindi kapitalista, kundi manggagawa ang talagang bumubuhay ng ekonomya ng bansa.

Pinaghalawan:

https://www.un.org/en/observances/remittances-day

https://psa.gov.ph/statistics/survey/labor-and-employment/survey-overseas-filipinos

Pahayag ng KPML sa World Blood Donor Day

PAHAYAG NG KPML SA WORLD BLOOD DONOR DAY

Hunyo 14, 2022

ANG PAGBIBIGAY NG DUGO AY PAKIKIPAGKAISA

NA SA NANGANGAILANGAN NG DUGO’Y MAHALAGA!

MAGBIGAY NG DUGO AT ILIGTAS ANG BUHAY NG ATING KAPWA!

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa pag-alala sa World Blood Donor Day (World Health Assembly Resolution 58.13).

Ang World Blood Donor Day ay ipinagdiriwang sa buong mundo tuwing ika-14 ng Hunyo upang itaas ang kamalayan tungkol sa pangangailangan ng ligtas na dugo at mga produkto ng dugo upang magligtas ng buhay. Ang araw ay isa ring pagkakataon upang pasalamatan ang mga kusang-loob, hindi nababayarang mga donor ng dugo para sa kanilang nagliligtas-buhay na inalay na dugo.

Sa ating bansa, ang National Blood Services (NBS) ng Philippine Red Cross ang isa sa mga pangunahing tagapagbigay ng dugo at mga produkto ng dugo sa bansa. Ito’y patuloy na naghahatid ng sapat, ligtas, at de-kalidad na suplay ng dugo sa mga pinaka-bulnerableng sektor. Ngayong taon, nakakolekta na ang PRC ng 159,686 blood units at nakapagbigay ng 169,799 blood units sa 96,567 na pasyente. Ang dugo at mga produkto ng dugo ay mahahalagang mapagkukunan para sa epektibong pamamahala ng kababaihang dumaranas ng pagdurugo na nauugnay sa pagbubuntis at panganganak; mga batang dumaranas ng matinding anemia dahil sa malaria at malnutrisyon; mga pasyente na may sakit sa dugo at utak ng buto, minanang karamdaman ng hemoglobin at kondisyon ng immune deficiency; biktima ng trauma, emerhensiya, sakuna at aksidente; pati na rin pasyenteng sumasailalim sa advanced na medikal at surgical procedure.

Ang pangangailangan para sa dugo ay pangkalahatan, ngunit ang pag-akses sa ligtas na dugo at ligtas na mga produkto ng dugo para sa lahat ng nangangailangan nito ay hindi ganoon kadali.

Pinaghalawan:

https://www.who.int/westernpacific/news-room/events/detail/2022/06/14/western-pacific-events/world-blood-donor-day-2022

https://redcross.org.ph/2022/06/15/world-blood-donor-day-2022-ph-red-cross-still-one-of-the-countrys-major-blood-suppliers/

https://caro.doh.gov.ph/today-is-world-blood-donor-day/

Pahayag ng KPML sa World Day Against Child Labor

PAHAYAG NG KPML SA WORLD DAY AGAINST CHILD LABOR

Hunyo 12, 2022

Taaskamao, muli at mahigpit na nakikiisa ang Kongreso ng Pagkakaisa ng Maralitang Lungsod (KPML) sa pag-alala sa World Day Against Child Labor. 

Ayon sa International Labor Organization (ILO), ang tema ngayong 2022 ay "Universal Social Protection to End Child Labour" o  Pangkalahatang Proteksyon sa Panlipunan upang Wakasan ang Maagang Pagtatrabaho ng mga Bata. Sa araw na ito, ang ILO, kasama ang mga nasasakupan at mga kasosyo nito, ay nananawagan para sa mas mataas na pamumuhunan sa mga sistema ng panlipunang proteksyon at mga iskema upang magtatag ng matatag na mga hakbang na proteksyong panlipunan at protektahan ang mga bata mula sa child labor. 

Ang panlipunang proteksyon ay parehong karapatang pantao at isang mabisang tool sa patakaran upang pigilan ang mga pamilya sa paggamit ng child labor sa oras ng krisis. Gayunpaman, noong 2020 at bago humawak ang krisis sa COVID-19, 46.9 porsyento lamang ng pandaigdigang populasyon ang epektibong nasakop ng hindi bababa sa isang benepisyo sa proteksyong panlipunan. Ang saklaw para sa mga bata ay mas mababa pa. Halos tatlong quarter ng mga bata, 1.5 bilyon, ay walang panlipunang proteksyon.

Isa ang KPML sa may programa para sa mga bata. Sa katunayan, naglabas ng Agenda ng mga Bata at Kabataang Manggagawa ang KPML noong 2009. Nais din naming ipaalala sa pamahalaan, lalo na sa mga awtoridad ng batas, ang Convention on the Rights of the Child ng United Nations (UNCRC) bilang salalayan at gabay nila sa pagtrato sa mga bata. Narito ang Agendang inilabas ng KPML noong 2009. Dito’y inilahad ang mga adyenda hinggil sa: Karapatang Mabuhay at Umunlad, Karapatang Makilahok, Karapatang Maproteksyunan, at Anong Pinakamabuti para sa mga Bata. Sa ngayon, patuloy pa rin ang KPML sa pagtataguyod ng karapatan ng mga bata at kabataan upang maiwasan na ang kanilang maagang pagtatrabaho sa murang edad, at mabigyan ng trabaho ang kanilang mga magulang na magtataguyod ng kanilang kinabukasan.

Pinaghalawan:

https://www.ilo.org/global/topics/child-labour/campaignandadvocacy/wdacl/lang--en/index.htm

https://www.facebook.com/pahayagngkilusan/photos/pahayag-ng-kpml-sa-world-day-against-child-laborhunyo-12-2019mula-kay-ka-pedring/1544248999042798/

Pahayag ng KPML hinggil sa usapin ng mga kapatid na maralitang taga-San Roque

PAHAYAG NG KPML HINGGIL SA USAPIN NG MGA KAPATID NA MARALITANG TAGA-SAN ROQUE

Hunyo 8, 2022

Isang taas-kamaong pagpupugay ang ipinaaabot ng Kongreso ng Pagkakaisa ng Maralitang Lungsod (KPML) sa mga maralita ng San Roque dahil sa inilabas ng korte na

Matapos ang dalawang taong paglilitis, pinawalang-bisa ng hukuman sa Lungsod Quezon ang 21 residente ng isang komunidad ng maralitang lungsod sa Barangay San Roque ng kasong paglabag sa kwarantina. Ipinasiya ng hukuman na ang pagsusumamo para sa pagkain sa kasagsagan ng pandemic lockdown ay “kanilang mga karapatan.”

Ayon sa balita, sinabi ni QC Metropolitan Trial Court Branch 38 Judge John Boomsri Sy Rodolfo, "Ang mga akusado ay kumikilos ayon sa kanilang mga karapatan nang lumabas sila ng kani-kanilang mga tirahan upang humingi ng pagkain. Samakatuwid, ang mga opisyal ng pulisya, sa oras na kanilang hinarap ang mga akusado at sa ilalim ng mga pangyayari na itinatag sa kasong ito, ay hindi maaaring pilitin ang huli na sumunod sa kanilang direktiba upang umuwi.”

Isang tagumpay iyon ng mamamayan at ng karapatang pantao dahil kinilala ng hukuman ang Right to Food ng mamamayan sa panahong kinakailangan ng mamamayan ng pagkain. Hindi sila pinalalabas dahil pinagbawal lumabas bunsod ng patakarang kwarantina. 

Inaresto ang mga maralitang residente noong Abril 2020 matapos ang marahas na dispersal sa kanilang protesta para sa food aid sa kasagsagan ng lockdown sa Metro Manila dahil sa COVID-19 pandemic. Inaresto sila, ikinulong ng limang araw, at kinasuhan ng paglabag sa quarantine dahil nasa labas ng kanilang mga tahanan.

Pinatunayan lamang ng mga maralita ng San Roque kung ano ang nagagawa ng sama-samang pagkilos upang marinig ang kanilang hinaing ay nagdudulot ng tagumpay sa bandang huli.

Mabuhay si Judge Rodolfo! Mabuhay ang mga residente ng San Roque. Ang karapatang pantao pa rin ang nanaig sa huli!

Pinaghalawan:

https://www.dailypedia.net/2020/04/karla-estrada-cries-foul-over-arrest-of-san-roque-protesters/

https://www.rappler.com/nation/quezon-city-court-clears-san-roque-residents-pleading-food-pandemic/

https://newsinfo.inquirer.net/1607764/qc-court-acquits-san-roque-residents-arrested-for-demanding-food-during-lockdown

Pahayag ng KPML sa World Oceans Day

PAHAYAG NG KPML SA WORLD OCEAN DAY

Hunyo 8, 2022

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa paggunita sa World Oceans Day tuwing Hunyo 8 taun-taon. Kasabay ng pagprotekta sa ating mga karagatan ay protektahan din natin ang ating mga mangingisda.

Batay sa pananaliksik, ang World Oceans Day ay isang pandaigdigang araw na ang konsepto ay orihinal na iminungkahi noong 1992 ng International Center for Ocean Development (ICOD) ng Canada at ng Ocean Institute of Canada (OIC) sa Earth Summit – UN Conference on Environment and Development (UNCED) sa Rio de Janeiro, Brazil. Ang World Oceans Day ay opisyal na kinilala ng United Nations noong 2008. Sinusuportahan ng pandaigdigang araw ang pagpapatupad ng mga pandaigdigang Sustainable Development Goals (SDGs) at pinalalakas ang interes ng publiko sa pagsanggalang o pagprotekta ng karagatan at ang sustenableng pamamahala ng mga makukuha rito.

Ayon sa pananaliksik, sinasakop ng karagatan ang higit sa 70% ng planeta. Pinagmumulan ito ng buhay, na sumusuporta sa kabuhayan ng sangkatauhan at ng bawat iba pang organismo sa lupa. Ang karagatan ay lumilikha ng hindi bababa sa 50% ng oxygen ng planeta, ito ang tahanan ng karamihan sa saribuhay (biodiversity) ng mundo, at pangunahing pinagmumulan ng protina para sa higit sa isang bilyong tao sa buong mundo. Hindi pa banggitin, ang karagatan ay susi sa ating ekonomiya na may tinatayang 40 milyong tao ang nagtatrabaho sa mga industriyang nakabatay sa karagatan pagsapit ng 2030. Gayunpaman, 90% ng malalaking populasyon ng isda ay nauubos, at 50% ng mga tangrib o coral reef ang nawasak.  Dahil dito, kailangan nating magtulungan upang lumikha ng isang bagong balanse sa karagatan na hindi na nauubos ang kagandahang-loob nito ngunit sa halip ay nagpapanumbalik ng sigla at nagdudulot dito ng bagong buhay.

Ito ang ating tungkulin sa ngayon, para sa karagatan at ekosistema ng ating panahon. Ito ang panawagan ng KPML. Huwag ding gawing basurahan ang ating karagatan, bagkus atin itong pangalagaan.

Pinaghalawan:

https://worldoceanday.org/

https://www.un.org/en/observances/oceans-day

https://en.wikipedia.org/wiki/World_Oceans_Day

Pahayag ng KPML sa World Food Safety Day

PAHAYAG NG KPML SA WORLD FOOD SAFETY DAY

Hunyo 7, 2022

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa pag-alala sa World Food Safety Day tuwing Hunyo 7 taun-taon. Itinatag ng United Nations General Assembly ang World Food Safety Day noong 2018 para itaas ang kamalayan sa mahalagang isyung ito. Ang WHO at ang Food and Agriculture Organization ng United Nations (FAO) ay magkatuwang sa pag-alala sa World Food Safety Day, sa pakikipagtulungan sa Kasaping Estado States at iba pang stakeholder.

Sa ikaapat na pandaigdigang Araw ng Kaligtasan ng Pagkain, bigyang pansin natin ang araw na ito upang maiwasan, tuklasin at pamahalaan ang mga panganib na dala ng pagkain at mapabuti ang kalusugan ng tao.

Itinatampok ng World Food Safety Day ngayong taon ang temang "Safer food, better health." Ang ligtas na pagkain ay mahalaga sa kalusugan at kagalingan ng tao at isa ito sa mga pinakamahalagang garantiya para sa mabuting kalusugan. Kabilang sa mga benepisyo ng ligtas na pagkain ang pinabuting nutrisyon at nabawasan ang pagliban sa mga paaralan at sa lugar ng trabaho. Ang mga sakit na dala ng pagkain ay nakakaapekto sa 1 sa 10 tao sa buong mundo bawat taon. Mayroong higit sa 200 sa mga sakit na ito, mula sa pagtatae hanggang sa mga kanser.

Sa ating bansa, dapat pagtuunan natin ang mga pagkain, hindi lamang ng mayayaman at can afford, kundi pati pagkain ng mahihirap, na nahirati na sa tira-tirang pagkain mula sa mga restoran, na pinapagpag muna, hinuhugasan at pinaiinit muli, sa anyo ng pagkaing pagpag, lagi na lang noodles dahil mura para sa mga anak, sabaw lang ay ulam na. Napakamahal na ng mga bilihin, na hindi na kaya ng mga walang-wala ang bumili ng kahit kalahating kilo ng karne at isda para sa protina ng kanilang mga anak. Ang kalusugang dulot ng kanilang kinakain ay dapat pagtuunan ng pansin upang hindi lumaking payat at mahihina ang mga anak-dalita.

Pinaghalawan:

https://www.who.int/campaigns/world-food-safety-day/2022

https://www.who.int/news/item/07-06-2022-world-food-safety-day-2022-safer-food-better-health

Pahayag ng KPML sa World Environment Day

PAHAYAG NG KPML SA WORLD ENVIRONMENT DAY

Hunyo 5, 2022

Taas-kamaong pagpupugay ang aming ipinaaabot mula sa Kongreso ng Pagkakaisa ng Maralitang Lungsod (KPML) sa lahat ng nakikiisa sa pagdiriwang ng World Environment Day o Pandaigdigang Araw ng Kapaligiran tuwing Hunyo 5 taun-taon.

Ang World Environment Day (WED) ang isa sa pangunahing daluyan ng iba’t ibang bansa sa mundo hinggil sa kamalayan at pagkilos para sa pangangalaga ng kapaligiran. Una itong ginanap noong 1973, ito ay naging isang plataporma para sa pagpapataas ng kamalayan sa mga isyu sa kapaligiran tulad ng marine pollution, overpopulation, global warming, sustainable development at wildlife crime. Ang World Environment Day ay isang pandaigdigang plataporma para sa publiko, na may partisipasyon mula sa mahigit 143 bansa taun-taon. Bawat taon, ang programa ay nagbibigay ng tema at forum para sa mga negosyo, non-government organizations, komunidad, gobyerno at celebrity para itaguyod ang mga layuning pangkalikasan.

Sa ating bansa, maraming batas na hinggil sa kapaligiran ang naisabatas, tulad ng Environmental Impact Assessment Law (PD 1586), Toxic Substances And Hazardous Waste Management Act (RA 6969), Clean Air Act Of 1999 (RA 8749), Ecological Solid Waste Management Act (RA 9003), Clean Water Act (RA 9275), Environmental Awareness And Education Act Of 2009 (RA 9512). Nawa ang mga ito ay mabasa ng ating mamamayan, guro at estudyante, at maipatupad din ng pamahalaan.

Kami sa KPML ay patuloy sa aming edukasyon sa aming mga kasapi hinggil sa usaping kalikasan, kahit na ang simpleng pagbubukod ng mga basurang nabubulok at hindi nabubulok, paggawa ng ekobrik hinggil sa basurang plastik, paggawa ng yosibrik upang anong dapat gawin sa mga nagkalat na upos, paglahok sa mga pagkilos hinggil sa usaping klima, na dapat ang pag-iinit ng mundo ay masawata at hindi na umabot pa sa 1.5 degri Celsius pa nap ag-iinit. Hanggang ngayon, patuloy ang KPML sa pagtalakay sa usaping kapaligiran para sa kinabukasan ng ating mga anak, apo, at sa mga susunod pang henerasyon.

Pinaghalawan:

https://www.un.org/en/observances/environment-day

https://en.wikipedia.org/wiki/World_Environment_Dayhttps://dilg.gov.ph/events/Philippine-Environment-Month/576

Pahayag ng KPML sa International Day for the Fight against IUU Fishing

PAHAYAG NG KPML SA INTERNATIONAL DAY FOR THE FIGHT AGAINST ILLEGAL, UNREPORTED AND UNREGULATED FISHING 

Hunyo 5, 2022

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa pag-alala sa International Day for the Fight against Illegal, Unreported and Unregulated Fishing (A/RES/72/72).

Ayon sa UN Food and Agriculture Organization (FAO) ang mga IUU (Illegal, Unreported and Unregulated) na pangingisda ang dahilan ng pagkawala ng 11–26 milyong tonelada ng isda bawat taon, na tinatayang may pang-ekonomiyang halaga na US$10–23 bilyon. Upang mabawasan ang epektong ito, ang Target 4 ng Layunin 14 ng Sustainable Development Agenda na pinagtibay noong 2015 ng UN General Assembly, ay partikular na hinihimok ang internasyonal na komunidad na "epektibong ayusin ang pag-aani at wakasan ang labis na pangingisda, ilegal, hindi naiulat at hindi kinokontrol na pangingisda at mapanirang mga kasanayan sa pangingisda" hanggang taon 2020.

Ayon sa pananaliksik, sa Pilipinas, ang marine biodiversity loss at fisheries ay may malaking epekto dahil ang isda ay nagbibigay ng higit sa 50 porsiyento ng dietary protein at nagsisilbing mahalagang pinagkukunan ng nutrients. Tinatayang 1.7 milyon na maliliit o munisipal na mangingisda ang pinakamahihirap sa mundo — apat sa sampung mangingisdang Pilipino ang nabubuhay sa ilalim ng antas ng kahirapan, na kumikita lang ng humigit-kumulang $4/araw (PHP195/araw).

Kaya ang panawagan ng KPML, lalo na sa kapwa maralita, i-report natin ang mga alam nating ilegal na gawain, upang masawata ang ganyang operasyon, at makinabang naman ang kapwa natin maralita.

Pinaghalawan:

https://www.un.org/en/observances/end-illegal-fishing-day

https://biodiversitylinks.org/projects/mission-projects/illegal-unreported-and-unregulated-iuu

Pahayag ng KPML sa International Day of Innocent Children Victims of Aggression

PAHAYAG NG KPML SA INTERNATIONAL DAY OF INNOCENT CHILDREN VICTIMS OF AGGRESSION

Hunyo 4, 2022

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa paggunita sa International Day of Innocent Children Victims of Aggression tuwing ika-4 ng Hunyo taun-taon.

Noong ika-19 ng Agosto 1982, pinagtibay ng United Nations General Assembly(UNGA) ang resolusyon na A/RES/ES-7/8 sa panahon ng emerhensiyang espesyal na sesyon nito sa usapin ng Palestine at ipinahayag ang ika-4 ng Hunyo ng bawat taon bilang ang International Day of Innocent Children Victims of Aggression. Pinagtuunan ng pansin ng araw na ito ang mga biktima ng Digmaan sa Lebanon noong 1982 at pag-alala sa mga batang Palestino at Lebanes na biktima ng agresyon o pananalakay ng Israel.

Ang layunin ng araw ay kilalanin ang sakit na dinaranas ng mga bata sa buong mundo na biktima ng pisikal, mental at emosyonal na pang-aabuso. Ang araw na ito ay nagpapatibay sa pangako ng UN na protektahan ang mga karapatan ng mga bata. Ang gawain nito ay ginagabayan ng Convention on the Rights of the Child, ang pinakamabilis at malawak na pinagtibay na internasyonal na kasunduan sa karapatang pantao sa kasaysayan.

Kaya kami sa KPML ay nagpapatuloy sa aming tungkulin na protektahan ang mga bata at ma-enjoy nila ang pagiging bata, na naglalaro, nag-aaral, at lumalaki sa maayos na kapaligiran. Gabay namin ang Convention on the Rights of the Child na lumabas noong 1989.

Pinaghalawan:

https://www.un.org/en/observances/child-victim-day

https://affairscloud.com/international-day-of-innocent-children-victims-of-aggression-2022-june-4

https://www.ohchr.org/en/instruments-mechanisms/instruments/convention-rights-child

Pahayag ng KPML sa World Bicycle Day

PAHAYAG NG KPML SA WORLD BICYCLE DAY

Hunyo 3, 2022

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa paggunita sa World Bicycle Day tuwing ikatlo ng Hunyo taun-taon.

Noong Abril 2018, idineklara ng United Nations General Assembly ang Hunyo 3 bilang World Bicycle Day. Ang resolusyon para sa World Bicycle Day ay kinikilala ang "natatangi, mahabang buhay at kakayahang gamitin ang bisikleta, na ginagamit na sa loob ng dalawang siglo, at ito ay isang simple, abot-kaya, maaasahan, malinis at angkop sa kapaligiran na napapanatiling paraan ng transportasyon."

Sa ating bansa naman, idineklara naman ang ikaapat na Linggo ng Nobyembre ng bawat taon bilang "Pambansang Araw ng Bisikleta" upang isulong ang mga benepisyo sa kapaligiran ng mga bisikleta batay sa pinakahuling proklamasyon ni Pangulong Rodrigo Duterte. Sa Proclamation No. 1052 na nilagdaan niya noong Nobyembre 18, idineklara ni Duterte ang taunang okasyon upang matiyak ang ekolohikal na integridad at malinis at malusog na kapaligiran sa pamamagitan ng pagpapataas ng kamalayan ng publiko sa mga teknolohiya, sistema, at kasanayan sa kapaligiran.

Para sa KPML, ang paggamit ng bisikleta ay ekonomikal, pampalakas ng katawan, at kinakailangan ng mga maralita at manggagawang patungo sa kanilang trabaho upang makaiwas sa trapiko at makapasok ng tamas a oras. Ayon pa sa pananaliksik, ang benepisyo ng paggamit ng bisikleta ay: nagsusunog ng calories, nagpapataas ng balanse at flexibility, pinagaganda ang cardiovascular fitness, nagpapaganda ng hugis ng katawan, at nagpapabuti ng joint mobility.

Pinaghalawan:

https://www.un.org/en/observances/bicycle-day

https://en.wikipedia.org/wiki/World_Bicycle_Day

https://www.pna.gov.ph/articles/1122381

https://www.umt.edu/transportation/bike/about/benefits/

Pahayag ng KPML sa World Day Against Child Labor

PAHAYAG NG KPML SA WORLD DAY AGAINST CHILD LABOR

Hunyo 12, 2021

PALAYAIN ANG MGA BATA 

MULA SA PASAKIT NA CHILD LABOR!

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa paggunita sa World Day Against Child Labor tuwing Hunyo 12, kasabay ng sinasabi nilang Araw daw ng Kalayaan sa bansa, at kasabay din ng International Year for the Elimination of Child Labor ngayong 2021.

Ayon sa International Labor Organization, "Sa huling 20 taon halos 100 milyong mga bata ang tinanggal mula sa talaan ng child labor, na bumaba sa 246 milyon noong 2000 hanggang 152 milyon noong 2016. Gayunpaman, ang pag-unlad sa mga rehiyon ay hindi pantay. Halos kalahati ng child labor ang nangyayari sa Africa (72 milyong bata), sinundan ng Asya Pasipiko (62 milyon). 70 porsyento ng mga bata sa gawaing child labor ang nasa agrikultura, mas nasa pangkabuhayan at komersyal na pagsasaka at pagpapastol ng hayop. Halos kalahati ng lahat ng mga batang ito ay nagtatrabaho sa mga sitwasyong itinuturing na mapanganib para sa kanilang kalusugan at buhay."

Noong bandang 2005-2010 ay nagkaroon ng programa ang KPML hinggil sa usaping Child Labor, kung saan nakapanayam nila ang maraming batang manggagawa sa Navotas, Malabon, Maynila, at iba pang lugar. Nakapanayam nila ang mga batang nangangalakal, may batang nasabugan ng dinamita at naputulan ng braso dahil sa pangingisda, may mga kabataang babaeng sa murang nagtatrabaho sa mga night club, at marami pang iba. Ipinakita ng KPML ang kaibahan ng child labor sa child work, kung saan sa child work, tulad ng mga batang artista, dapat silang kumuha ng lisensya sa Department of Labor and Employment (DOLE) upang makapagtrabaho ng apat na oras sa bawat araw, habang may panahon sa pag-aaral. Subalit sa child labor, di na nakakapag-aral ang bata dahil subsob na sa trabaho. Maagang tumanda ang mga nagtatrabahong bata.

Dahil dito, may commitment ang KPML na ipanawagang itigil na ang child labor. Ang mga batayang pinanghahawakan ng KPML ay Children’s rights, mula sa Artikulo 32 UN Convention on the Rights of the Child, na nagsasabng "Children have the right to be protected from economic exploitation and from work that could be harmful for them. Next to that children that are working are often not going to school, which violates their right to education. (May karapatan ang mga batang maprotektahan mula sa pang-ekonomyang pagsasamantala at mula sa trabahong maaaring makasasama sa kanila. Sunod dito'y ang mga batang manggagawa ay madalas na hindi nakakapasok sa paaralan, na lumalabag sa kanilang karapatan sa edukasyon.)" Isa pa ang ikawalong Sustainable Development Goal o SDG 8, na nagsasabing "The goal on Decent work and economic growth (SDG 8) also provides for the abolishment of all child labor. (Ang layunin sa disenteng pagtatrabaho at paglago ng ekonomiya (SDG 8) ay nagbibigay din para sa pagwawaksi ng lahat ng paggawa sa bata.)"

Karapatan ng bawat batang mabigyang proteksyon, may tahanan at pamilya, walang diskriminasyon, magpahayag ng sariling pananaw o opinyon, sapat na pagkain, magkaroon ng edukasyon. Subalit dahil sa child labor, kaybilis tumanda, murang katawan ay nabatak ng husto't kawawa, ama'y walang trabaho, bata'y naging manggagawa, ika nga, bata, bata, paano ka ba ginawa. Di mabayarang tama ang trabaho nila't pagod. Di makaangal ang bata sa mababang pasahod. Ddinadaya na ang bata, gobyerno'y nakatanghod? Habang sa child labor, kapitalista'y nalulugod!

End Child Labor, Now!

Wakasan na ang Child Labor, Ngayon Na!

Pahayag ng KPML sa unang anibersaryo ng pagsasara ng ABS-CBN

PAHAYAG NG KPML

Mayo 5, 2021

PAHAYAG NG MARALITA SA UNANG ANIBERSARYO

NG PAGSASARA NG ABS-CBN

Mahigpit na nakikiisa ang pamunuan at kasapian ng pambansang samahangKongreso ng Pagkakaisa ng Maralitang Lungsod (KPML) sa higit labing-isang libong manggagawa ng ABS-CBN na nawalan ng trabaho nang magsara ang nasabing kumpanya isang taon na ang nakararaan.

Matatandaang hindi na binigyan pa ng panibagong prangkisa ang ABS-CBN sa pasiya ng Mababang Kapulungan ng Kongreso. Ito'y itinuring na matinding pagbira sa kalayaan sa pamamahayag sa bansa. 

Naging bahagi na ng kabataan at ng buhay ng maraming Pilipino ang mga palabas sa ABS-CBN. Maraming mga palabas o programa ritong kinagiliwan ng mga manonood. Bukod pa sa mga balitang nakakaabot sa mga liblib na pook. Nang mawala ang ABS-CBN, maraming kababayan ang nasalanta ng bagyo at nasira ang mga ari-arian at pananim sapagkat hindi nila napaghandaan at nabalitaan dahil na rin sa pagsasara ng ABS-CBN.

Sa pakikibaka ng mga manggagawa ng ABS-CBN bago ito magsara, nakiisa ang iba't ibang mga unyon at grupong maralita upang ipaglaban ang mahigit 11,000 manggagawang mawawalan ng trabaho. Kabilang na sa mga nakiisang ito ang mga lider-maralita ng KPML.

Gayunman, kung ibabalik ito, gaya ng sigaw ng marami, hiling namin na gawing regular sa trabaho ang lahat ng manggagawa ng ABS-CBN. Hindi dapat pagsamantalahan ng pangasiwaan ng ABS-CBN ang mga manggagawa sa pagpapanatili sa mga ito bilang mga kontraktwal. Dagdag pa, ibigay ang tamang pasahod sa mga manggagawa ng ABS-CBN. Isang nakabubuhay na sahod o living wage batay sa isinasaad ng Konstitusyon ng bansa, at hindi libing wage na hindi nakakabuhay ng pamilya.

Kaya ang panawagan namin sa KPML: Ibalik ang mga manggagawang tinanggal sa ABS-CBN, at gawing regular ang lahat ng mga manggagawa ng ABS-CBN, at ipagbawal na ang kontraktwalisasyon!

Makikita rin ang pahayag na ito sa facebook page ng KPML

https://www.facebook.com/maralitanglungsod/photos/a.121383745932501/561304331940438/

Pahayag ng KPML sa World Day for Safety and Health at Work

PAHAYAG NG KPML

Abril 28, 2021

SA WORLD DAY FOR SAFETY AND HEALTH AT WORK, SIGAW NG MARALITA:

KABUHAYAN, KALUSUGAN, KARAPATAN, KALIGTASAN, IPAGLABAN!

Umabot na ng isang milyong katao ang naapektuhan ng COVID-19 sa bansa. Sa Timog-Silangang Asya, pumapangalawa na tayo sa Indonesia na may 1,6 milyong kataong apektado ng naturang sakit. Bakit nangyari na biglang lumobo ang bilang na ito? Ano ang ginagawa ng pamahalaan sa problemang ito, o palpak mismo ang rehimeng Duterte sa pagresolba sa krisis?

Tumitinding lalo ang mga nagaganap. Kahit na sa mga pagawaan at opisina ay nauuso ang tanggalan dahil isinasara ang mga pabrika dahil sa pandemya. O kaya naman ay nakita itong pagkakataon ng mga kapitalista upang tanggalin ang mga regular na manggagawa upang mapalitan ng mga kontraktwal, na walang security of tenure, walang sapat na benepisyo, at hindi pinapayagan sa kanilang karapatang mag-unyon at organisahin ang mga sarili.

Karapatan ng mamamayan na humingi ng ayuda at obligasyon naman ng pamahalaan ang ibigay ito dahil sa pinatutupad nilang mga patakaran ukol sa pandemya na naging isang malaking sagka sa kakayahang kumita ng masa. Marami ang nawalan ng trabaho at naging resulta nito ay ang kakarampot na pagkain sa hapag kainan na kasalukuyang pinagsasaluhan ng bawat pamilya.

Nag-inisyatiba ang mga mamamayan, sa pangunguna ng Maginhawa community pantry upang kahit papaano'y makatulong kahit bahagya upang maibsan ang kagutuman ng ilang mga nagugutom na kababayan. Hanggang sa ito'y dumami at nagsulputan ito sa iba't ibang bahagi ng bansa. Ipinakita ang pagdadamayan, pagbibigayan, pag-aambagan, at pagbabayanihan ng mga tao. Manipestasyon na palpak ang pamahalaan kaya mamamayan na mismo ang gumawa ng paraan. Subalit ni-redtag pa ito ng mga ulupong at itinuring na kagagawan umano ng mga komunista. Ang dinig yata ng NTF-ELCAC (National Task Force to End Local Communist Armed Conflict) sa community pantry ay communist party.

Pansamantalang katugunan lang ang community pantry. Dapat ay maglunsad ng national pantry ang pamahalaan, subalit sa pagbibigay nga lang ng ayuda ay nagkukulang na sila. Paano pa pag national pantry? Di sapat ang community pantry dahil repleksyon lang ito ng kainutilan ng pamahalaang dapat siyang nagtitiyak ng maayos na ayuda. Paano pag patuloy na gipitin ang mga comunity pantry tulad ng ginawa ng NTF-ELCAC? Subalit patuloy ang bayanihan, bagamat hindi tayo tiyak sa seguridad sa pagkain kung hindi natin susuportahan ang mga magsasaka at mangingisda.

Dapat tiyakin ang pangkalahatang kalusugan ng mamamayan. Hindi sapat ang bakuna lang para sa lahat. Isama sa ayuda ang mga bitaminang kinakailangan ng katawan. Tiyakin ding kumakain ng sapat na pagkaing masustansya ang mamamayan upang hindi magkasakit. Dapat matulungan ang mga magsasaka upang mas umunlad pa ang kanilang paraan ng pagsasaka, matulungan din ang ating mga mangingisda bagamat nag-iingat na silang pumunta sa West Philippine Sea upang mangisda. Ito'y upang matiyak na laging may makakain ang ating mamamayan, o kaya'y maglunsad tayo ng urban farming upang may mapipitas balang araw.

Karapatan ng mamamayan na humingi ng ayuda sa panahong nawalan sila ng pinagkakakitaan dahil hindi na sila pinayagang makalabas ng bahay dahil sa community quarantine na ipinatutupad. Hiling ng maralita na ang pondo ng NTF-ELCAC na nasa higit 19 Bilyong piso ay tanggalin na at gamitin sa ayuda sa mamamayan. Sayang lang ang pondong ginagamit nila sa kawalanghiyaan at pangre-redtag sa bayanihan ng mamamayan. Kaya kung sinasabi ng pamahalaan na said na ang ayuda, aba'y ang P19B ng NTF-ELCAC ay gamitin na sa ayuda at malaking tulong na ito sa mamamayan.

Milyon na ang apektado ng COVID. Nais ng mamamayan na tiyaking ligtas sila at ang kanilang mga mahal sa buhay mula sa sakit na ito. Kung nahihirapan ang pamahalaan, sa pangunguna ni Duterte, na tugunan ang krisis na ito, dapat lang siyang mag-resign na sa pwesto. O kung kapit tuko pa rin siya ay nararapat lamang siyang patalsikin ng taumbayan. At magkaroon ng bagong pamunuang binubuo ng mga magagaling at matitino, na siyang magtitiyak ng kaligtasan ng sambayanan.

Ngayong Abril 28, sa okasyon ng World Day For Safety and Health at Work (Pandaigdigang Araw para sa Kaligtasan at Kalusugan sa Trabaho), sigaw ng maralita, KABUHAYAN, KALUSUGAN, KARAPATAN, KALIGTASAN, IPAGLABAN!

Pahayag ng KPML sa ika-500 taon ng Tagumpay sa Mactan

PAHAYAG NG KPML

Abril 27, 2021

PAGPUPUGAY SA IKA-500 TAON NG TAGUMPAY NG LABANAN SA MACTAN

INURONG NI LAPULAPU NG 44 TAON PA ANG PANANAKOP NG MGA KASTILA

Ang Tagumpay Laban sa Mananakop, at ang bantang pananakop sa West Philippine Sea sa kasalukuyan

Mahigpit na nakikiisa ang pambansang organisasyon ng Kongreso ng Pagkakaisa ng Maralitang Lungsod (KPML) sa pagdiriwang ng ika-500 taon ng tagumpay ng Labanan sa Mactan na naganap noong ika-27 ng Abril 1521. Natalo ng hukbo ni Lapulapu, ang datu ng Mactan, ang mga kawal na Kastila sa pamumuno ng Portuges na kapitan at eksplorador na si Ferdinand Magellan, na napatay naman sa labanang iyon.

Ayon sa kasaysayan, dumating sa ating kapuluan sina Ferdinand Magellan sakay ng kanilang mga barko noong Marso 16, 1521. Nakipagkaibigan siya sa maraming pinuno sa Cebu, pangunahin na si Raha Humabon, at sa isla ng Mactan, kay Datu Zula. Bininyagan bilang Kristyano si Raha Humabon at kanyang mga tauhan. Gayunpaman, tumanggi si Datu Lapulapu na makipag-ugnayan kina Magellan. Dahil dito'y nais ni Magellan na ipakita ang kanilang superyor na armas at hukbo laban sa hukbo ni Lapulapu.

At noong Abril 27, 1521, naging madugo ang labanan sa Mactan nang sumugod doon sina Magellan. Nanaig naman ang mga mandirigma ni Lapulapu sa hukbo ni Magellan, na ayon sa mananalaysay na si Pigafetta, si Magellan ay napatay. Nakatakas naman sina Pigafetta at iba pa nilang kasama. Ayon pa kay Pigafetta, ilan sa mga tauhan ni Magellan ay napatay sa labanan at ang ilang katutubong naging Kristiyano na tumulong sa kanila ay napatay din ng mga mandirigma ni Lapulapu.

Si Lapulapu ay bayani ng ating lahi at sumisimbolo ng kalayaan sa buong Asya. Hindi siya gawa-gawa lang kundi tunay na taong nakibaka para sa kalayaan ng kanyang mga kababayan laban sa mga mananakop na dayuhan.

Sa ngayon ay may panibagong banta sa bansa, ang nagbabantang pananakop ng mga Tsino sa ating bansa. Kung nagawa noon nina Lapulapu na patalsikin ang dayuhan at iurong pa ng apatnapu't apat na taon ang pananakop ng mga Kastila, magagawa rin nating itaboy ang mga Intsik na nais manakop ng ating bayan. Subalit...

Halos pinamimigay na ni Duterte ang ating bansa sa mga Tsino dahil kaibigan siyang matalik ni Pangulong Xi ng Tsina. Mag-alburuto man tayo sa pang-aagaw ng teritoryo ng Tsina sa ating bansa ay tila wala tayong magawa dahil sa kainutilan ni Duterte na ipagtanggol ang ating bansa laban sa bagong mananakop. 

Nariyan pa ang pagsakmal ng dayuhan sa kasarinlan ng bansa dahil sa kasunduan sa pagitan ng Amerika at Pilipinas, tulad ng EDCA (Enhanced Defense Cooperation Agreement), ng 1951 Mutual Defense Treaty (MDT) at ang MLSA (Mutual Logistics Support Agreement, na maaari rin namang Muling Lumuhod Sa Amerika). Dahil dito'y hindi ganap ang kasarinlan ng bansa habang ang mga Tsino naman ay nagbabanta.

Bilang mga maralita, nauunawaan namin ang kahulugan ng kalayaan, hindi lamang kalayaan laban sa bagong mananakop, kundi kalayaan din mula sa kagutuman; kalayaan mula sa pagsasamantala ng tao sa tao; kalayaang hindi nayuyurakan ang dignidad ng mamamayan; kalayaan mula sa paninikis ng estado, tulad ng rehimeng Duterte, na pumaslang ng libu-libong tao nang walang wastong proseso ng batas, o hindi dumaan sa due process of law.

Bilang KPML, inspirasyon sa atin ang Tagumpay sa Mactan upang maipakita ang tradisyon ng pakikibaka laban sa lahat ng mapagsamantala at nagsasamantala sa sinumang malayang tao o naghahangad ng kalayaan. Lalo na't nakikibaka rin ang KPML para sa makataong pabahay, paglaban sa demolisyon, at magkaroon ng maayos na paninirahan ang mga maralitang ginigipit, kundi man ng pamahalaan, ay ng mga pribadong tao, tulad sa Malipay sa Cavite, sa Cebu, at sa iba pang lupang tinitirhan ng mga abang dukha. Inspirasyon ang Tagumpay sa Mactan upang patuloy tayong makibaka para sa ating karapatan, kinabukasan, at dignidad. Ngayong Abril 27, 2021 ay mahalagang pagkakataon upang ipahayag ang mga naturan.

Tayo ay bansa ng mga bayani. Kung may panibagong banta sa ating kalayaan, pambansa man o bilang mga maralita, tulad ng nangyayari ngayon sa West Philippine Sea, ang ginawa nina Lapulapu noon ay inspirasyon upang gawin din natin ang nararapat upang mapalayas ang mga dayuhan at mga mapagsamantalang nais yumurak sa ating kalayaan at karapatan bilang tao.

Mabuhay ang ika-500 taon ng tagumpay nina Lapulapu! Paalisin ang mga Intsik sa West Philippine Sea! Mabuhay ang kalayaan!

Pahayag ng KPML sa Earth Day 2021

PAHAYAG NG KPML SA EARTH DAY 2021

Abril 22, 2021

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa lahat ng mamamayan ng mundo sa paggunita sa Earth Day o Araw ng Daigdig. 

Kaming mga maralita ay taospusong nagpupugay, nakikiisa, nakikipagkapitbisig at kumikilos kasama ng iba't ibang organisasyong pangkalikasan. Dahil alam naming para sa kinabukasan ng ating kapaligiran at daigdig ang kanilang ginagawa. Ayaw namin sa pagmimina dahil ito'y nakakasira ng kalikasan habang winawasak ang mga lupaing ninuno para lang sa tubo ng mga gahamang kapitalista.

Nagbabago ang klima o climate change. Ang dating buwang malamig ay napakainit, at ang panahon ng tag-init ay ulan ng ulan. Nasira na ng mga usok ng coal fired power plants at ng pagsusunog ng mga fossil fuel ang ating atmospera na siya dapat sanang sasangga laban sa papatinding init ng sinag ng araw. Maaari tayong magkasakit dahil sa mga ultraviolet rays.

Napakaraming basurang nagkalat. Naglutangan ang mga plastik sa dagat na inaakala ng mga isda na dikya o jelly fish na kanilang kinakain, subalit basurang plastik pala. Ang mga upos ng sigarilyo, na isa sa pinakamalaking bulto ng basura sa mundo bukod sa plastik, ay lulutang-lutang din sa laot. Hindi sapat na tayo'y magbukod lang ng basura mula sa nabubulok at hindi nabubulok sa ating mga tahanan, kundi saan ito dinadala, at bakit napupunta sa mga karagatan. Dapat ihiwalay din natin ang mga electronic waste, lalo na ang mga medical waste, tulad ng heringgilya at facemask, sa ating karaniwang basura. Bawal nang magsunog ng basura subalit kayrami pa ring nagsusunog.

Naniniwala ang mga maralita na dapat tayong magtulungan upang mapangalagaan ang kalikasan dahil iisa lang ang ating daigdig. Walang Planet B at hindi tayo nangangarap na pumunta ng Mars upang palitan ang ating daigdig.

Ngayong Earth Day ay umpisahan na natin ang pagbabago ng bulok na sistemang naging dahilan ng pagsasamantala ng tao sa tao at pagsasamantala sa kalikasan bunsod ng tubo sa ilalim ng bulok na sistemang kapitalismo. Baguhin ang sistema! Alagaan ang kalikasan! Iisa lang ang ating daigdig!

Pahayag ng KPML sa World Health Day (Pandaigdigang Araw ng Kalusugan)

PAHAYAG NG KPML

Abril 7, 2021

PAHAYAG SA WORLD HEALTH DAY

(PANDAIGDIGANG ARAW NG KALUSUGAN)

Mula sa pambansang samahan ng Kongreso ng Pagkakaisa ng Maralitang Lungsod (KPML), ay mahigpit na nakikiisa sa lahat ng gumugunita sa World Health Day o Pandaigdigang Araw ng Kalusugan.

Nakikita namin sa KPML ang patuloy na kapalpakan ng rehimeng Digong sa usapin ng maayos na patakarang pangkalusugan hinggil sa COVID 19 at sa mga maralita. Tingin namin ay HINDI SOLUSYON SA COVID-19 ANG LOCKDOWN. Kundi ang marapat na solusyon, sa palagay namin, ay ang lakihan ang badyet sa kalusugan at paunlarin ng pamahalaan ang buong health care system, tulad ng pagbibigay ng malawakan at libreng mass testing, pagpapaigting ng contact tracing, at bakunang ligtas at epektibo para sa lahat.

Libreng mass testing, ngayon na! Panawagan itong sana'y matugunan ng pamahalaan. Napakamahal ng swab test na kung indibidwal kang kukuha ay baka hindi kaya ng bulsa ng maralita. Pang-almusal nga ay gipit na, pang-swab test pa kaya.

Solusyong medikal, hindi militar. Imbes na medical frontliner ay pawang pulis at sundalo ang nangunguna. Sa isang balita kahapon sa telebisyon, namatay diumano ang isang lalaking lumabag sa curfew at pinag-push up ng tatlong beses ng mga nakahuli. Coronavirus ang kalaban, hindi ang mamamayan.

Trabaho at ayuda, hindi tanggalan. Palpak ang pagbibigay ng ayuda noong nakaraang taon at marami pa rin ang hindi nabigyan ng ayuda, tulad ng SAP. Maraming manggagawa ang nawalan ng trabaho nang masarahan ang maraming pagawaan dahil sa community quarantine. Ang iba'y pinalayas na sa tinutuluyan nila dahil walang pambayad ng upa, kaya nakatira na lang sa kalsada.

Libre, ligtas at epektibong bakuna para sa lahat! Gaano nga ba kamahal ang naririyang bakuna? Kundi man libre'y abotkaya ba iyan ng masa? Paano natin matitiyak na hindi iyan tulad ng dengvaxia na ayon sa mga ulat, kayraming namatay nang maturukan ng nasabing bakuna? Dapat na mahusay itong maipaliwanag sa pamamagitan ng syensya sa ating mga kababayan upang hindi katakutan ang bakunang ito.

Ayusin ang Philippine Health Care System. Ayon sa mga balita, sa Pilipinas pa lang, labingtatlong libong higit na ang namatay sa COVID-19. Grabe. Sabi ng marami, wala kasing komprehensibong plano ang pamahalaan hinggil sa kalusugan, kundi ang tanging solusyon lagi ay lockdown o community quarantine. Dapat tutukan ng pamahalaan ang pag-aayos sa sistemang pangkalusugan ng bayan. Tingnan ang mga halimbawa ng sistemang pangkalusugan sa ibang bansa, tulad sa Vietnam at Cuba. Kung maaayos ng mabuti ang ating health care system, at hindi pulos lockdown ang alam gawin, bakasakaling mas mapababa pa ang kaso ng mga nahahawa ng COVID-19.

Iyan ang aming panawagan sa okasyon ng paggunita sa World Health Day. Iyan ang paninindigan ng KPML. Iyan ang dapat nating pag-usapan. Iyan ang pag-usapan ng mamamayan, at tutukan ng pamahalaan.

Pakikiramay sa mga naulila ni Ka Jess Panis, dating pangulo ng KPML

PAHAYAG NG KPML

Abril 4, 2021

PAKIKIRAMAY SA MGA NAULILA NI KA JESS PANIS, DATING PANGULO NG KPML

Taospusong nagpapaabot ng pakikiramay ang pamunuan at kasapian ng ating pambansang organisasyong Kongreso ng Pagkakaisa ng Maralitang Lungsod (KPML) sa pamilya ni Ka Jess Panis, dating pangulo ng KPML.

Si Ka Jess Panis ay nahalal na pangulo ng KPML sa ikatlong kongreso nito na naganap sa Tomana Covered Court noong 1997. Muli siyang nahalal bilang pambansang pangulo ng KPML sa ikaapat na kongresong naging unang pambansang kongreso nito noong 2001. At napalitan lamang siya ni Ka Pedring Fadrigon noong 2004.

Bilang lider-maralita, natatangi si Ka Jess Panis sa kanyang liderato kung saan mas kinilala ang KPML sa larangan ng pakikibaka laban sa demolisyon, at paglaban para sa karapatan sa pabahay ng maralitang lungsod.

Muli, kami'y taas-noong nagpupugay sa mga naging ambag ni Ka Jess Panis sa pakikibaka ng maralita, at taos-pusong pasasalamat dahil naging bahagi siya ng buhay at pakikibaka ng KPML sa pangarap nitong maitayo ang isang lipunang makatao kung saan walang pagsasamantala ng tao sa tao, pakikibaka laban sa pribadong pag-aari ng mga kasangkapan sa produksyon, at pagsusulong ng sosyalismo.