Mga maralitang ina, nanawagan ng price control sa bigas, bawang, atbp.

MGA MARALITANG INA, NANAWAGAN NG PRICE CONTROL SA BIGAS, BAWANG, ATBP.

Hunyo 22, 2014 - Nagrali kaninang umaga sa palengke ng Balintawak ang may limampung kasapian ng Kongreso ng Pagkakaisa ng mga Maralita ng Lungsod (KPML) at Samahan ng Mamamayan - Zone One Tondo Organization (SM-ZOTO) dahil sa pagsirit ng presyo ng mga pangunahing bilihin, tulad ng bawang at bigas.

Kinalampag ng mga maralitang nanay ang mga dala nilang kaldero't kawali na may mga islogang "Price Control sa Bigas, Bawang, atbp., Now na!", "Liberalisasyon, Salot!" at "Modernisasyon sa Agrikultura, Gawing Prayoridad!"

Ayon kay Geilda Mirabueno, lider ng SM-ZOTO sa Tondo at inang may siyam na anak, "Hindi sapat ang ginawang Bawang Caravan ng pamahalaan, dahil di lang naman bawang ang nagmahal."

Sinabi naman ni Anna Lampitoc, isang lider ng KPML at isang solo parent, "Walang kwenta kung pagmomonitor lang ng presyo ng bilihin ang kayang gawin ng pamahalaan. Kailangang kontrolin ng pamahalaan ang presyo dahil ito'y isang kagyat at pambansang isyu. Hangga't pinaiiral ng pamahalaan ang polisiyang liberalisasyon, hindi tayo magkakaroon ng totoong food security. Para makaalpas dito, dapat iprayoridad ang agrikultura upang di umasa ang bansa sa importasyon."

Nagsagawa sila ng isang oras na programa sa palengke ng Balintawak, nag-noise barrage at nag-ikot sa loob ng palengke.

Ulat at mga litrato ni Greg Bituin Jr.

 

6.12.14 Protesta laban sa pork at bulok na sistema, inilunsad

6.12.14 PROTESTA LABAN SA PORK AT BULOK NA SISTEMA, INILUNSAD

Araw daw ng kalayaan kaya itinaon ang pagkilos ng Koalisyong Protesta 6.12.14  sa araw na iyon (Hunyo 12, 2014) upang ipakita ang pagkadismaya ng taumbayan sa animo'y sarswelang nagaganap sa pamahalaan, lalo na sa isyu ng pork barrel. Nais nilang lumaya na ang bayan mula sa paghahari ng iilan, pandaraya ng mga trapo, at pandarambong ng mga kawatan sa pamahalaan sa kaban ng bayan. Araw daw ng kalayaan, ngunit sa katunayan, batay sa kasaysayan, ang Hunyo 12, 1898 ay deklarasyon ng kalayaan ng bansa mula sa mga Kastila ngunit pagpapailalim sa mga Amerikano, na makikita mismo sa Acta de Independencia - isang dokumento ng deklarasyon ng kalayaan. Kung pagpapailalim ito sa mga Amerikano, ito ba'y kalayaan? O mas angkop na tawagin itong Araw ng Kadayaan, dahil hindi naman talaga lumaya ang bansa, kundi lumaya lang sa España para pasakop sa mga Kano? Ayon nga sa pamagat ng polyetong ipinamahagi roon ng Bukluran ng Manggagawang Pilipino (BMP): "Walang Tunay na Kalayaan Kung Malayang Pinagsasamantalahan ng Iilan ang Nakararaming Mamamayan".

Maraming mga indibidwal at mga grupo ang nagsitungo sa Bonifacio Shrine sa Mehan Garden sa Maynila bilang pakikiisa sa panawagang "Jail All" - o ikulong lahat ng mga sangkot sa pork barrel scam, sila man ay oposisyon o maka-administrasyon. Sa likod ng Bonifacio Shrine ay naroon naman ang Kartilya ng Katipunan na nakaukit sa pader sa malalaking titik na sumisimbolo naman na dapat yakapin ng taumbayan ang Kartilyang ito ng kalinisan ng pagkatao. Naniniwala ang iba't ibang grupong ito na dapat ikulong lahat ng sangkot sa pork barrel scam dahil malaki ang kasalanan nila sa mamamayan lalo na sa pagnanakaw sa kaban ng bayan ng bilyon-bilyong piso para sa kanilang mga sarili.

Napakahaba ng martsa at sama-samang pagkilos ng grupong BMP, Sanlakas, Kongreso ng Pagkakaisa ng mga Maralita ng Lungsod (KPML), Partido Lakas ng Masa (PLM), Alliance for Truth, Integrity and Nationalism (ATIN), Zone One Tondo Organization (ZOTO), Aniban ng Manggagawa sa Agrikultura (AMA), Pagkakaisa ng Manggagawa sa Transportasyon (PMT), Piglas-Kabataan (PK), SUPER-Federation, Makabayan-Pilipinas, Koalisyon Pabahay ng Pilipinas (KPP), Ang Grupo ng Organisadong Mamamayan (AGOM), at Proletaryong Rebolusyonaryong Kilusan (PRK). Nakasama nila sa Bonifacio Shrine ang mga grupong Kilusang KontraPork, Workers Alliance Against Corruption (WAAC), NAGKAISA, Freedom from Debt Coalition (FDC), Water for All Refund Movement (WARM), APL-SENTRO, Partido ng Manggagawa (PM), at marami pang iba. Ang estimasyon ay mga nasa humigit-kumulang sa apatnalibo ang lumahok sa makasaysayang pagkilos na ito.

Kita sa kanilang mga plakard ang mga panawagang "Ibasura ang sistemang pork, wakasan ang paghahari ng trapo", "Itayo ang gobyerno ng masa", "Ikulong lahat", "Panagutin si PNoy", "Noynoy, inutil, tuta ng kapitalista", "Panagutin si Noynoy, parusahan ang lahat", "Elitistang rehimen, itakwil", "Manggagawa, magkaisa at lumaban", "Parusahan ang mga magnanakaw sa gobyerno", at "JAIL ALL!" Sa polyeto naman ng BMP ay mababasa ang panawagang "Imbestigahan, Litisin at Ikulong LAHAT ng Kawatan (hindi lang si Pogi, Sexy at Tanda)".

Nagsalita naman sa entablado sina Ricardo "Dick" Penson ng ATIN, Atty. Aaron Pedrosa ng Sanlakas, Ka Leody de Guzman ng BMP, at marami pang iba. Nagsiawit naman sina Eli Buendia, Jograd dela Torre, Erwin Puhawan, at iba pa.

Adhika ng mga grupong ito at ng mga naging tagapagsalita na sumapit ang totoong kalayaan ng bayan, kung saan hindi na umiiral ang "Kasaganahan sa Iilan, Kahirapan sa Mamamayan".

Ulat at mga litrato ni Greg Bituin Jr.

"Mga kawatan sa pamahalaan, ikulong!" - BMP, KPML

"MGA KAWATAN SA PAMAHALAAN, IKULONG!" - BMP, KPML

Hunyo 8, 2014 - Naglunsad ng kilos-protesta sa iba't ibang lugar sa Metro Manila ang iba't ibang grupo upang ipahayag ang kanilang galit sa nagaganap na sarswela sa pulitika ng bansa. Nais nilang managot ang lahat ng sangkot sa pork barrel scam at makulong lahat ng maysala. Sabay-sabay na naganap ang kilos-protesta sa Muntinlupa, Marikina, Monumento sa Caloocan, at Mabuhay (Welcome) Rotonda.

Nasa Mabuhay (Welcome) Rotonda ang mga kasapi ng Bukluran ng Manggagawang Pilipino (BMP) at Kongreso ng Pagkakaisa ng mga Maralita ng Lungsod (KPML). Ang nasabing kilos-protesta ay naganap mula ikasiyam ng umaga hanggang ikalabingdalawa ng tanghali.

mula sa Mabuhay (Welcome) Rotonda, ulat at mga litrato ni Greg Bituin Jr.

Press Release - June 8, 2014 decentralized grassroots protests

PRESS RELEASE
8 June 2014
Contact Persons: BMP National President Leody de Guzman – 0920 5200672
BMP National Capital Region-Rizal (BMP-NCRR) Secretary General Gie Relova – 0915 2862555

Build-up for June 12 Independence Day Anti-Pork Rally:
Militant Workers Initiate Decentralized Grassroots Protests in an Independent Movement to "Investigate-Prosecute-Jail All Crooks and Thieves!"

FACTORY workers and urban poor activists from the militant Bukluran ng Manggagawang Pilipino (BMP) and Kongreso ng Pagkakaisa ng Maralita ng Lungsod (KPML) held simultaneous pickets in various parts of Metro Manila and adjacent provinces today. The protests are part of build-up activities for the nationwide anti-pork assemblies on June 12, called for by various multi-sectoral and broad coalitions.

At around 10:00 am today, BMP members from labor unions and community organizations staged a picket at several choke-points of Metro Manila, including Mabuhay (Welcome) Rotonda in Quezon City, Monumento Shrine in Caloocan City, Barangay Concepcion in Marikina City and Bicutan Interchange in Taguig City. Similar protests were also held in Laguna, Cavite, Bulacan, Cebu City and Bacolod City.

Through these simultaneous protests, the BMP is launching "an independent class movement of the Filipino workers for total cleansing of the rotting elitist bureaucracy and for meaningful reforms in appropriating the national budget".

Not just Pogi, Sexy and Tanda, investigate all!

BMP National President Leody de Guzman, at Welcome Rotunda said, "Ikulong at parusahan lahat ng mga korap! Hindi lang sina Pogi, Sexy and Tanda, (referring to opposition senators Revilla, Jinggoy Estrada and Enrile, based on the statements of state witness Benhur Luy). We deserve a thorough cleansing of the bureaucracy, not shameless and shallow politicking by the yellow Liberal administration party".

De Guzman added, "The Napoles affidavit, however crooked her intentions maybe with its disclosure, provides an opportunity for an impartial investigation of the alleged P10 Billion pork barrel scam. If Noynoy Aquino wants to rescue what is left of his already discredited 'tuwid na daan' rhetoric, he must relentlessly pursue and investigate all politicians implicated in this

grand thievery of the nation's coffers, including Budget Secretary Butch Abad, Agriculture Secretary Proseso Alcala, TESDA Director Joel Villanueva and Senate President Franklin Drilon."

Workers to march side-by-side with the middle class

Meanwhile, at the Monumento Shrine, worker and urban poor militants from Caloocan, Malabon, Navotas and Valenzuela, brought placards that read: "Ikulong Lahat!", "Prosecute All!", "Jail All", "Totoong Pagbabago, hindi Maneobrahan ng mga Trapo!", "Gobyerno ng Masa, hindi ng Elitista!".

Gie Relova, Secretary-General of the BMP National Capital Region-Rizal (BMP-NCRR) said, "Workers pay their taxes in the form of blood, sweat and tears. Their measly wages are further reduced by withholding taxes, which bear the 12% VAT when they purchase their bare necessities. Hence, we have every right to pursue justice against corruption in government. We have every reason to condemn the largesse enjoyed by trapos and mercenaries like Napoles".

"Workers are willing to march side-by-side with various sectors and classes in Philippine society, who are now rising against the pork barrel system and elite rule. The people's movement against pork has broadened even more since the middle class-led August 26 Million People March last year. Now, our present task is to deepen it, by going to the workers and the poor, to factories and urban poor communities, to involve and inspire the millions of unorganized masses in the struggle for meaningful reforms and total cleansing of government. Once enlightened, the workers and the poor would readily lend its numbers to the people's crusade against pork barrel and corruption, provided that its trajectory is not only against personalities of the elitist opposition," Relova clarified.

In the coming weeks, after the June 12 broad anti-pork rally, the BMP would organize decentralized protests and fora to explain the issue of pork barrel, political dynasty and elite rule at the grassroots level. "The workers and the poor must not allow themselves to become cannon fodders of the administration and opposition factions of the elite by condemning, in totality, the moribund system of elite democracy," he explained.

Ultimately, he concluded, "Reforms must be enacted to prevent widespread corruption. We need not only transparency through the passage of the freedom of information (FOI) law. As long as the bureaucracy operates in secret, as long as ordinary civilians are only called for in the political arena as mere voters of elite candidates and have no direct participation in government's budgetary process, scheming thieves like Napoles and crafty corrupt politicians will find ways to use state funds for personal enrichment". #

"JAIL ALL! Ikulong Lahat!" - BMP, PLM, SANLAKAS, KPML, at ATIN

"JAIL ALL! Ikulong Lahat!" - BMP, PLM, SANLAKAS, KPML, at ATIN

"JAIL ALL! IKULONG LAHAT!" Ito ang nagkakaisang panawagan sa naganap na kilos-protesta nitong Hunyo 6, 2014 sa People Power Monument sa Edsa. Ang nasabing pagkilos ay pinangunahan ng Alliance for Truth, Integrity and Nationalism (ATIN), Bukluran ng Manggagawang Pilipino (BMP), Partido Lakas ng Masa (PLM), SANLAKAS, at Kongreso ng Pagkakaisa ng mga Maralita ng Lungsod (KPML). Kaugnay ito ng isyung pork barrel na sumingaw na umano'y ninanakaw ng mga kawatan sa gobyerno. Ipinanawagan ng nasabing mga grupo na dapat lahat ng may kasalanan o kasama sa mga naakusahang nagnakaw ng pondo ng bayan ay dapat ikulong lahat, maging mayaman man o mahirap.

Sabi nga ng tagapagsalita ng PLM na si Emma Garcia, nabalita sa radyo't telebisyon ang nagnakaw ng isang kilong tuyo na pinahirapan pa ng mga awtoridad, binugbog at kinulong upang pagdusahan ang pagnanakaw ng isang kilong tuyo. Dagdag pa roon ang pagpapahiya sa kanyang pagkatao. Yaon pang mga nagnakaw ng bilyon-bilyon sa taumbayan ay hindi maikulong. Dapat mas matindi pa sa sinapit ng nagnakaw ng isang kilong tuyo ang sapitin ng mga nagnakaw ng bilyon-bilyong pondo ng taumbayan.

Tinalakay naman ni Rasti Delizo ng  Sanlakas ang iba pang aktibidad kaugnay nito. May kilos-protesta sa Hunyo 8 sa iba't ibang panig ng Metro Manila; Hunyo 10 sa Korte Suprema, at ang malaking rali sa Hunyo 12 sa Kartilya ng Katipunan Shrine, na nasa likod ng Mehan Garden sa Maynila. Lahat ng ito'y nananawagan laban sa katiwalian sa pamahalaan, at ikulong lahat ng may kasalanan sa pagnanakaw ng pondo ng bayan, partikular ang pork barrel.

Sinabi naman ni Ka Pedring Fadrigon, pambansang pangulo ng KPML, patuloy na maghihirap ang taumbayan hangga't naririyan ang sistemang pork barrel at ang mga kawatan sa gobyerno. Ayon naman kay Ka Leody de Guzman, pangulo ng BMP, dapat managot ang mga may kasalanan sa taumbayan, at dapat ikulong lahat ng mga kawatan.

Nagsimula ang kilos-protesta bandang ikasampu ng umaga at natapos ng ikalabindalawa ng tanghali.

Ulat at mga litrato ni Greg Bituin Jr.